Стивен Кингийн сор бүтээл “Shining” ба “Doctor Sleep”
2019-11-07 14:53:54
11 сард нээлтээ хийх "Doctor Sleep” кино нь Стивен Кингийн гол зохиолуудын нэг бөгөөд Стэнли Кубрик найруулагчийн сор бүтээл “Shining” киноны үргэлжлэл үйл явдлыг харуулсан кино юм. Ялангуяа 2019 онд “IT 2”, “Pet Sematary”, “Doctor Sleep” гээд Стивен Кингийн зохиолоос сэдэвлэсэн гурван ч кино дэлгэцнээ гарч байгаагаараа онцлог юм.
Стивен Кинг зохиолч шинэлэг, хурц дүрслэл бүхий сэтгэл сэрдхийлгэм триллер бичдэг, аймшгийн зохиолын хаан гэж цоллуулдаг нэгэн. “Shining” киноноос гадна “Misery”, “1408”, “The Mist”, “Carrie” зэрэг аймшгийн зохиолуудаар нь кино хийсэн ба түүнчлэн “The Shawshank Redemption”, “ The Green Mile”, “Dolores Claiborne”, “Stand by Me” олон ангитуудаараа ур чадвараа харуулж Холливудын зүрх сэтгэлийг олзолсон хамгийн шилдэг зохиолч билээ.
“Doctor Sleep” зохиол “Shining”-ийн үргэлжлэл болж хэвлэгдсэн даруйдаа Нью-Йорк Таймсын шилдэг борлуулалттай ном болж, Брам Стокерын дээд шагнал хүртэж, 1980 онд кино болсон “Shining”-аас хойш дөчөөд жилийн дараа дэлгэцнээ гарах гэж байна. Стивен Кинг шүтэн бишрэгчиддээ гарын үсэг зурж өгөх үеэр нэг шүтэн бишрэгч нь “Shining” зохиолын галзуурсан ааваасаа олж бага насаа толботой өнгөрүүлсэн Дэнни хүү амьд үлдсэн бол одоо юу хийж байх бол гэж асууснаас санаа авч “Doctor Sleep”-ээ бичжээ. Тэрээр “Doctor Sleep” бол “Shining”-ийн гэр бүлийн үргэлжлэл гэж мэдэгдэж, “IT” зохиолд Азгүйчүүдийн бүлгийн гишүүн Майклын аав, “Shining”-д гардаг холбогдох чадварыг харуулсан зочид буудлын ахлах тогооч Дик Холлоран нартай холбоотой гэж хэлсэн нь Стивен Кингийн ертөнцийн баялаг уялдаа холбоог илтгэх мэт.
“Doctor Sleep” бодлоор удирдах чадвар, алсаас мэдрэх чадвар гэх мэт далдын хүчтэй гялбаа чадвартнууд, тэднийг залгигч Трү нот хэмээх хүчнийхэнтэй ширүүн тэмцэлдэж байгааг харуулсан сюрреалист триллер зохиол. Холбогдох чадвар нь хүнээс давж бурхны орчилд хүрэх сюрреалист туйлын хүч бөгөөд тус киноноос чухам энэ хүч чадлыг үзэж мэдрэх боломжтой болно. Киноны гарчиг “Doctor Sleep” гэдэг нь ааваасаа сэтгэлийн гүн шархтай хоцорсон Дэнни холбогдох чадвараараа үхлээ хүлээж байгаа өвчтөнүүдийг зүгээр л унтаж нойрсох мэт сэтгэл амар нүд анихад тусалж байгаатай холбоотой аж.
Холливудын авьяаслаг жүжигчин Эван Макгрегор гол дүр Дэннид тоглож, “Mission Impossible”, “The Greatest Showman” киноны Ребекка Фергюсон Трү нотын удирдагч болж гарна. “Ouija: Origin of Evil”, “Oculus”, “Before I Wake” кинонуудыг найруулж төрөл жанртаа чадварлаг гэдгээ нотолсон найруулагч Майк Фланаган киног найруулж, Стивен Кингийн бүрэн дэмжлэгтэйгээр өөгүй сайхан бүтээл үзэгчдэдээ хүргэх гэж байна.
Хүнээс илүү оршихуйнуудын тэмцэлдэн тулалдах нь айдас мэдрүүлээд зогсохгүй хамаг бие хөшөөж, сэтгэл түгшээж, зүрх савлуулах сюрреалист триллер "Нойрсуулагч Эмч" кино нь энэ сарын 29-өөс кинотеатруудын дэлгэцнээ гарах юм.
<ⓒ Reporter.mn >
