Жүжигчин Кэйт Уинслет 7 минут 14 секундийн турш усанд шумбажээ... “Аватар: Усны Ертөнц” киноны усан доорх зураг авалт

2022-12-06 16:04:58

Шинжлэх ухааны зөгнөлт “Аватар: Усны Ертөнц” киноны усан доорх зураг авалт нь жүжигчдээс их ур чадвар шаарджээ. Найруулагч Жэймс Камерон нь тус киноны өрнөлийг далай дотор байхаар бодож, зураг авалтыг бодит, нарийн байлгахын тулд яах ёстой талаар ихэд санаа зовнисон байна. Жүжигчид тороосноос өлгөгдөн усан доорх зураг авалтыг хийж, киноны нарийн хэсгүүдийг хүртэл харуулжээ.

3.406.870 литр багтаамжтай торхон дахь зургийг авхуулахын тулд жүжигчид Хавайд очиж 2 сар усанд шумбах тусгай сургалтад суусан байна. Амьсгалаа барьж, усан дотор аль болох удаан байх мөн сэтгэл хөдлөлөө илэрхийлэн гаргаж жүжиглэжээ. Онцгойлон Кэйт Уинслет усан дотор 7 минут 14 секундийн турш амьсгалаа барьж, гайхалтай жүжиглэлтийг үзүүлэн тус зураг авалтын чөлөөт шумбалтын аварга гэж дуудагдаад байна. 

Жэймс Камерон найруулагч “Энэ бол тус киноны бүтээсэн жинхэнэ технологийн шинэчлэл” гээд жүжигчид чин сэтгэлээсээ жүжиглэсэнд гүн талархлаа илэрхийлсэн байна. Ийнхүү “Аватар: Усны Ертөнц” киноноос л харах боломжтой шинэ түвшний технологи, жүжигчдийн гайхалтай хичээл зүтгэл үзэгчдэд мартахааргүй онцгой туршлагыг өгөх болно хэмээн үзэгчдэд  хүлээлтийг үүсгээд байна.

“Аватар: Усны ертөнц” кино нь Пандора гарагт Жэйк Салли, Нэйтири нарын цогцлоосон гэр бүлд тулгарч буй өршөөлгүй аюул занал, амьд үлдэхийн төлөөх тулааныг харуулах аж. Зои Салдана, Сэм Уортингтон, Сигурни Уивер, Уна Чаплин, Жованни Рибизи, Стивен Лэнг, Кэйт Уинслет, Клифф Кёртис, Жоэл Мур, Си Си Эйч Паундер, Мэтт Жеральд зэрэг жүжигчид тоглож, Жэймс Камерон найруулагчаар нь ажилласан байна.  

“Аватар: Усны Ертөнц” кино 2022 оны 12-р сарын 16-ны өдөр нээлтээ хийнэ.

Зургийн эх сурвалж: 20th century fox