“Ор Сураггүй” киноны бүх сэжүүр интернэтэд...

2023-02-07 03:17:22

“Ор Сураггүй” кино нь “Searching”(2018) цувралын шинэ түүх бөгөөд оюутан охин сүүлийн үеийн дэвшилтэт дижитал төхөөрөмж болон цахим сүлжээг ашиглан, аялж яваад алга болсон ээжийгээ олохын тулд ганцаараа тэмцэж байгаа тухай өгүүлэх ажээ.

Олон нийтэд цацагдсан гол постерт болон компьютерын дэлгэцийг харуулсан нь их сонирхол татам юм. Энэ нь аймшгийн киноны жанрын шинэ чиг хандлагыг харуулсан өмнөх ангийн постерыг дүрсэлсэн гэлтэй. “Searching” цувралаар л үзүүлж чадах гайхалтай найруулга нь хүлээлт үүсгээд байна. 

Алга болсон ээж Грэйс (Ниа Люнг), хэн нэгний дуудлагыг чин сэтгэлээсээ хүлээх охин Жюн (Сторм Рид), хэргийг шалгах Холбооны мөрдөх товчооны мөрдөгч Элайжа Парк (Дэниел Хенни) гээд шинээр өрнөх үйл явдал үнэхээр их сонирхол төрүүлж байна. Хамт цацагдсан гол трэйлерт аялалд гарсан ээж Грэйсийг тосохоор онгоцны буудалд ирэн хүлээж буй Жюн охиноор кино эхэлдэг.

Аяллаа дуусгаад гэр лүүгээ буцахаар болсон ээж нь онгоцны буудалд ирдэггүй. Тиймд алга болсон түүнийг Холбооны мөрдөх товцооны мөрдөгч Элайжа Паркийн удирдлага дор олон нийтэд нээлттэй мөрдлөг хийж буй нь сэтгэл түгшээх ажээ.

Тийнхүү охин Жюн нь ээжийнхээ хоноглосон буудлын хяналтын камер, байршил хайгчаар хамгийн сүүлд хэн ирснийг интернэтээр олж ээжийнхээ ул мөрийг олдог боловч, ээж нь барьцаалагдаж буй бичлэг, хамт аялалд гарсан Кевин гэх залуу нь гэмт хэрэгтэн байсныг мэдээд хүнд цохилтод ордог.

Гэтэл ээж Грэйс нь өөр нэртэй гэдэг нь мэдэгдэж, охин Жюндаа хэлээгүй нууц байсан гэдэг нь хүртэл мэдэгдэн, улмаар ээж нь яагаад алга болсон нь сонирхол ихээр татах ажээ. Мөн түүнчлэн гэртээ ганцаараа байсан Жюн дээр үл мэдэгдэх урилгагүй зочин ирж, сэтгэл түгшээн өмнөх ангиас илүү айдас, түгшүүрийг мэдрүүлэх ажээ. 

Зургийн эх сурвалж: Sony pictures