Бурхдын хилэн... “Шазам!”

2023-03-10 11:00:47

2023 оны 03-р сарын 17-ны өдөр нээлтээ хийх DC-ийн ертөнцийг үзэх үзлийг өөрчлөх “Шазам: Бурхдын хилэн” нь булаалгасан бурхны хүч чадлаа эргүүлэн авахын тулд дэлхийд аюултай тулааныг өрнүүлдэг байна.

Энэ жил нээлтээ хийх DC комиксын эхний супер баатар болох “Шазам: Бурхдын хилэн”-ийн постерт Шазам (Закари Ливай) дэлхийд оршиж буй бүхнийг залгих мэт хорон санаат лууг заагаад зогсож буй дүр төрхийг харуулжээ. Шазамын дүрийг Закари Ливай, Билли Бэтсоны дүрийг Ашер Энжел, Фредди Фриманы дүрийг Жек Дилан Грейзер зэрэг өмнөх ангид тоглосон жүжигчид энэ удаад ч бүтээсэн байна. 

Өмнөх ангид хүч чадлыг туршаад завгүй байсан тэд алдсан хүч чадлаа эргүүлэн олж авахын тулд дэлхий дээр гарч ирсэн Грекийн охин тэнгэр Хеспера (Хелен Миррен), Калипсо (Люси Лью)-ны тулалдаанаар нэг шат ахисан супер баатруудын дүр төрхийг харуулах ажээ.

“Аннабелл”-оор чадвараа хүлээн зөвшөөрүүлсэн Дэвид Ф.Сандберг найруулагч энэхүү бүтээлийг найруулсан ба Бурхдын хилэнт тулалдаанаар жинхэнэ нэг баг болж байгаа супер баатруудын дүр төрхийг харуулсан гэдэг нь илүү их хүлээлт үүсгэж байна. Өсөж яваа залуу од Рэйчел Зеглер ч бас хүч чадлаа нуусан шилжин ирж буй оюутан Антиагийн дүрийг бүтээж, энэ хавар кино театруудыг Шазамын хөгжилтэй, сэтгэл сэргэм байдлаар цэнэглэх ажээ. 

“Шазам: Бурхдын Хилэн” кино 2023 оны 03-р сарын 17-нд нээлтээ хийнэ. 

Зургийн эх сурвалж: Warner bros