Мөөгний хаант улсыг хамгаал... “Super Mario Bros. Movie”, 2023 оны 04-р сарын 07-ны өдөр нээлтээ хийнэ
2023-03-18 06:31:00
Тоглоомыг нь мэдэхгүй ч дүрийг нь сайн мэдэх дэлхий дахинаа алдартай Нинтендогийн видео тоглоом “Супер Марио” цувралаар бүтээгдэж буй “Super Mario Bros. Movie” кино 2023 оны 04-р сарын 07-ны өдөр нээлтээ хийнэ.
Тус киног Аарон Хорват, Майкл Желеник нар найруулсан бөгөөд “Super Mario Bros. Movie” кино нь Нью-Йоркийн эгэл жирийн сантехникч Марио өөр ертөнцийн хорон санаатан Боузерд барьцаалагдсан дүү Луйжигээ аврахын тулд шинэ аялалд гарах тухай өгүүлнэ.
Энэхүү киног видео тоглоомын хүчирхэг компани Нинтендо болон “Минионууд”, “Сарыг хулгайлах төлөвлөгөө” зэрэг цувралыг бүтээсэн Иллюминэйшн компаниуд хамтарч санаа нэгдэн бүтээсэн бөгөөд Холливудын алдартай жүжигчид дуу оруулж байгаа нь мөн л сонирхлыг ихээр татаж байна.
Тус киноны сүүлийн трэйлерт Харанхуйн газар нутагт газар доорх шоронд хоригдсон Луйжигээр эхэлж байгаа нь анхаарал татаж байна. Айн чичрэх түүний хажууд “Зугтах газар байхгүй. Цорын ганц найдвар нь аятайхан үхэх л байна даа.” гээд сулхан хэлэх Лумасаас, Боузер өөрийн цэргүүддээ ертөнцийг эзэгнэх талаар өгүүлж байгаа нь киног илүү сонирхолтой болгох ажээ.
Нөгөө талаар, өөрийнхөө армийг дуудан цуглуулаад мөөгний хаант улс руу дайлаар мордохыг зарлаж буй Боузерын дүр төрх нь дэлхийг захирахыг хүссэн түүний хязгааргүй хүсэл шуналыг илтгэж, хамгийн муу хорон санаатан гэдгээ харуулж байгаа гэлтэй.
Ийнхүү Боузертэй тулалдан дүү Луйжигээ аврах ёстой Марио, Мөөгний хаант улсаа хамгаалах ёстой Тоорхон Гүнж киног улам л сонирхолтой болгож байгаа ба гоёмсог хувцаслалтыг ч мөн дурдахгүй байхын аргагүй.
Ялангуяа эгэл жирийн сантехникч Марио нь онцгой хүч чадалтай Супер Марио болж солонгон зам дээр Боузер “Галактикийн хамгаалагчид”, “Юрийн Галавын ертөнц” цувралын Крис Прэтт Мариогийн дүрд дуу оруулж, “Номхон Далайн Хөвөө: Бослого”, “The Lego Movie 2”-ийн Чарли Дэй, “The Queen’s Gambit”-ийн Аня Тейлор-Жой нь Тоорхон Гүнж, “Кун Фу Панда”-ийн Жек Блэк нь Боузерын дүрийг бүтээжээ.
Зургийн эх сурвалж: Universal pictures
