Том Круз “The Flash” киног магтаж, найруулагчид нь утсаар баяр хүргэжээ

2023-03-21 11:12:34

Том Круз DC-ийн баатартай “The Flash” киног өндрөөр үнэлжээ. “The Hollywood Reporter” сайтад 2023 оны 03-р сарын 17-ны өдөр жүжигчин Том Круз “The Flash” киног үзээд маш их таалагдсан учир кино бүтээсэн Энди Мускетти найруулагч руу залгаж сайхан кино болсон гэж магтсан тухай нийтэлсэн байна.

“Галактикийн хамгаалагчид” киноны найруулагч Ганн Жеймс ч бас “Өнөө хүртэл бүтээгдсэн баатартай кинонуудаас хамгийн гайхалтай киноны нэг.” хэмээн дүгнэж байсан.

Том Крузыг “Warner Bros. Discovery”-ийн гүйцэтгэх захирал Дэвид Заславтай уулзаж байхад, Заслав тус кино ямар гайхалтай бүтээл болохыг дурдсан. Сониуч зан нь хөдөлж Круз тэр киног үзмээр байгаагаа хэлсэн байна.

Warner Bros.-ийн ажилтан Беверли-Хиллс дэх Крузын гэрт киног хүргэн, үзэж дуустал нь гэрт нь байсан байна.

Жүжигчин Том Круз “The Flash” нь “Киноноос хүсдэг бүхэн байна” гээд “Яг одоо бидэнд хэрэгтэй кино мөн байна” гэжээ. Круз цар тахлын үед “ТопГан: Маверик” киногоор Холливудыг сэргээсэн гэж үнэлэгдээд байгаа.

Тус кино нь дэлхий дахинаас 1.49 тэрбум долларын орлого олжээ. Олон нийтэд цацагдсан “The Flash” киноны трэйлерт Майкл Китон, Бен Аффлек гэсэн хоёр “Бэтмэн” хоёулаа гаргадаг нь сонирхол татаж байгаа.

“Man of Steel” кинонд Зод генералын дүрийг бүтээж байсан Майкл Шэннон ч бас гарах аж. “Super Girl”-ийн Саша Калле бас тус кинонд тогложээ.