30 жилийн дараа кино театруудын том дэлгэцнээ... “The Super Mario Bros. Movie”
2023-03-30 07:34:51
Супер Марио ах дүүс кино театруудын дэлгэцнээ 30 жилийн дараа гарах гэж байна. “The Super Mario Bros. Movie” (найруулагч Аарон Хорват, Майкл Желеник) кино нь эгэл жирийн сантехникч “Марио” өөр ертөнцийн хорон санаатан Боузерт барьцаалагдсан дүү Луйжигээ аврахын тулд Супер Марио болдог анимейшн юм. Нинтенто компани болон “Минионууд”, “Сарыг хулгайлах төлөвлөгөө” цувралуудыг бүтээсэн Иллюминэйшн компаниудын мөрөөдлийн төсөл гэж хэлж болно.
Мөн Холливудын шилдэг жүжигчид дуу оруулахаар сонгогдсон нь нээлт болохоос өмнө маш ихээр сонирхлыг татаж байна. “Галактикийн хамгаалагчид” цувралын Крис Прэтт Мариогийн дууг оруулж, “Номхон Далайн Хөвөө: Бослого”, “The Lego Movie 2”-ийн Чарли Дэй Луйжигийн дууг оруулжээ. Мөн “The Queen’s Gambit”-ийн Аня Тейлор-Жой Тоорхон гүнжийн, “Кун Фу Панда” цувралын Жек Блэк Боузерийн дүрд тус тус дуу оруулсан байна. Өмнө нь Супер Мариогоор 1993 онд “Super Mario Bros.” кино бүтээж олны хүртээл болгож байснаас хойш 30 жилийн дараа бүтээгдэж байгаа гэдгээрээ маш их хүлээлт үүсгэж байна.
Сүүлийн трэйлерт Харанхуйн газар нутагт газар доорх шоронд хоригдсон Луйжигээр эхэлж байгаа нь анхаарал татаж байна. Айн чичрэх түүний хажууд “Зугтах газар байхгүй.
Цорын ганц найдвар нь аятайхан үхэх л байна даа” гэж сулхан дуугаар хэлэх Лумасын ярианаас Боузерийн аймшигтай устган сүйтгэгч хүч чадалтай гэдгийн талаар өгүүлж байгаа нь киног илүү сонирхолтой болгож байна.
Өөрийн армийг дуудан цуглуулаад Мөөгний хаант улс руу дайлаар мордохыг зарлаж буй Боузерийн дүр төрх нь дэлхийг захирахыг хүссэн түүний хязгааргүй хүсэл шуналыг илтгэж, хамгийн хорон муу санаатан гэдгээ харуулж байгаа гэлтэй.
Ийнхүү тус кинонд сонирхолтой тулалдаан, гоёмсог хувцаслалтыг харуулах ажээ. Марио нь онцгой хүч чадалтай “Супер Марио” болж Солонгон замаар Боузертэй уралдааны машинаар уралдах нь үзэгчдэд хүлээлт ихээр үүсгээд байна.
“Super Mario Bros. Movie” кино 2023 оны 04-р сарын 07-ны өдөр нээлтээ хийнэ.
Зургийн эх сурвалж: Universal pictures
