“Усан дотор ** цагийн зураг авалт хийсэн”... Лусын дагиныг маш олон хүн үзнэ гэдэгт бат итгэлтэй байгаа “Ариэль” Холли Бэйли

2023-04-03 07:08:38

Холли Бэйли бяцхан лусын дагиныг маш олон хүн үзнэ гэдэгт итгэлтэй байгаагаа хэлжээ. 2023 оны 03-р сарын 20-ны өдөр Холли Бэйли “Edition” сэтгүүлд өгсөн ярилцлагын үеэрээ бяцхан лусын дагинын дүрийг бүтээхдээ асар их хичээж ажилласан.

Тэрээр усан доорх зураг авалтад өөрийгөө ихэд дайчилсан талаараа дурдаад, хамгийн удаандаа усан дотор 13 цаг зураг авалт хийлгэсэн гээд “Би өөрт байх бүхнээ дайчилсан” гэж тайлбарласан байна. Бэйли нь энэ удаагийн болон өмнөх “Бяцхан лусын дагина”-ны ялгааны талаар өмнө нь ярьж байжээ.

Тэрээр “Энэ удаагийн Бяцхан лусын дагина нь ханхүүгийн төлөө далайг орхихыг хүсэж буй Ариэлийн хувийн байр суурийг өөрчилсөн. Энгийнээр ханхүүгийн төлөө бус Ариэлийн зорилго, эрх чөлөө, амьдрал, хүсэж буй зүйлийн тухай өгүүлнэ” гэж хэлсэн нь хүлээлт ихээр үүсгээд байна.

Мөн “Эмэгтэй хүнийхээ хувьд бид гайхалтай, бас бие даасан юм.” гэж нэмж хэлжээ. Бэйли нь Ариэлийн дүрд сонгогдсон баяр хөөрөө хуваалцаж байсан. Тэрээр “Үнэндээ энэ нь үнэхээр галзуу тоглоом мэт.

Миний энэ байр сууринд байгаа нь үнэхээр нэр төрийн хэрэг бөгөөд талархах сэтгэл төрж байна. Би өөрийгөө хэдэнтээ чимхэж энэ үнэн байгаа гэдгийг шалгаж байлаа” гэж хэлсэн байна.

Тэрээр шалгаруулалтаар “Бяцхан лусын дагина” гэсэн гол дүрд сонгогджээ. Үүний талаар “18 настайдаа шалгаруулалтад орж, 19 настайдаа дүрээ авсан ба энэ жил 23 хүрч байна. Ариэлийн дүрийг бүтээж, их зүйл сурсан. Намайг өсгөн хөгжүүлэхэд тус дэм болсон” гээд “Бяцхан лусын дагина” киноны аялал удалгүй миний өсөлт хөгжилтөөр үргэлжилсэн гэжээ.

Бэйли нь “Бяцхан лусын дагина” киног тойрсон шалгаруулалтын талаарх маргаанд өөрийн байр сууриа илэрхийлсэн байна. “Дэлхий дахины үзэгчдийн хэрхэн хүлээж авч байгаа сэтгэгдлийг үзээд миний сэтгэл үнэхээр их хөдөлж байв. Бүх хүүхдүүдийн сэтгэгдэл, ялангуяа өнгөт арьстай хөвгүүд, охидын сэтгэлийг маш ихээр хөдөлгөж байсан” гэж хэлсэн байна.

Тэрээр Биёонсэ шиг хүчтэй эмэгтэй болохыг хүсдэгээ хэлж ярилцлагаа дуусгасан байна. Тус кино нь далайгаас гарч дэлхийг мөрөөдөж байсан эр зоригтой бяцхан лусын дагина Ариэль нь осолд орсон Эрик ханхүүг аварч, өөрийн сэтгэлийн дуу хоолойг даган хориотой хүний ертөнцийг зорьж буй адал явдлыг дүрсэлсэн Диснейн кино юм. 1989 онд анх олны хүртээл болж байсан адил нэртэй анимейшнийг дахин шинэчилсэн бүтээл. 

Лондонгийн Pinewood Studios-д 1 жилийн турш зураг авалт нь хийгдсэн “Бяцхан лусын дагина” кино 2023 оны 05-р сарын 26-ны өдөр нээлтээ хийнэ.