“Галактикийн хамгаалагчид 3” киног сайнаар үнэлж, “Гурамсан зохиолын гайхалтай төгсгөл, үнэхээр сэтгэл хөдөлгөлөө” хэмээн сайшаан магтжээ
2023-05-02 10:49:21
Сүүлийн үед гаднын сайтуудад “Хамгаалагчид 3” киног магтсан сэтгэгдэл их байна. “Digital Spy”-ийн Ян Сандвел “Гурамсан зохиолыг гайхалтай төгсгөжээ.
Үнэхээр сонирхолтой байж, сэтгэл хөдөлгөж, бүгд тус бүрдээ онцгой цаг мөчийг угтаж байлаа. Уилл Поултерийн бүтээсэн Адам Варлок гайхалтайгаар нэмэгдэж орсон боловч хамгаалагчдын сэтгэл ханамжтай төгсгөлд тааруулсан нь зөв хэрэг байлаа. Санах болно” гэж хэлжээ.
“Movie Zine”-ийн Александр Каделло ““Хамгаалагчид 3” өмнө нь байгаагүй оддын дайны инээдмийн кино байлаа. Хайр татам сонин хүмүүс, Марвелын их тулаан, хөнгөн элэглэлээр дүүрэн байв. Гэвч юу ч байсан энэхүү сэтгэл хөдлөлийг орлож чадахгүй. Рокетын жинхэнэ түүх үнэхээр гайхалтайгаар сэтгэлийг хөдөлгөлөө” гэж үнэлсэн байна.
Германы сэтгүүлч Маркус Трут энэ киног “MCU-ийн хамгийн гунигтай, бараан кино” гэж хэлжээ. Тэрээр “Галактикийн хамгаалагчид 3” кино магадгүй MCU-ийн хамгийн гунигтай, бараан кино болжээ. Хүний мөс чанаргүй (гэхдээ бага зэргийн хөнгөн) хорон санаатантай нүүр тулан байлдаж буй бүх хүн дахин агуу цаг мөчийг угтсан нь гурамсан зохиолыг гоёмсгоор дуусгаж байна. Салфетка бэлдээрэй.” гэжээ.
“Галактикийн хамгаалагчид 3” кино Гамораг алдаж уйтгар гунигт автсан “Питер Квил” аюулд унасан галактик болон хамтрагчаа хамгаалахын тулд дахин хамгаалагчдын багтай хүчээ нэгтгэх ба амжилттай биелүүлж чадаагүй тохиолдолд тэдний сүүлийнх ч байж болох даалгаварт гарах тухай өгүүлэх ажээ.
Жэймс Ганн найруулагч ““Галактикийн хамгаалагчид 3” киног Рокетоор эхлүүлсэн. Сонирхолтой, бодит түүхийг өгүүлэхийн зэрэгцээ гуниг шаналлын тухай өгүүлнэ. Рокет хаанаас ирснийг заавал мэдүүлэхийг хүссэн юм. Уур, хилэн хаанаас эхэлдэг болох, хэрхэн амьдардаг болохыг”, мөн “Төгсгөлийг нь сайн хийх ёстой гэж бодсон” хэмээн ярьсан байна.
