Ке Хюи Куан “Индиана Жонсын дүрийг Харрисон Форд л бүтээж чадна”

2023-07-05 07:27:11

“Индиана Жонс: Хувь тавилангийн хүрд”-ийн “Домог бол үүрд мөнхөд! Домгийн цуврал.” гэсэн видео бичлэг цацагджээ. “Индиана Жонс: Хувь тавилангийн хүрд” кино нь түүхийг өөрчлөх хувь тавилангийн хүрдийг эргүүлэн олж авахын тулд шинэ адал явдалд гарсан Индиана Жонсын тухай өгүүлэх домогт, тулаант, адал явдалт кино юм. Олон нийтэд цацагдсан видео бичлэгт “Индиана Жонс” цуврал хэрхэн мэндэлснийг харуулсан ба Харрисон Фордын залуу насыг харуулсан байна.

“Индиана Жонс” цувралын 4-р анги хүртэл найруулагчаар нь ажиллаж байсан “Индиана Жонс: Хувь тавилангийн хүрд”-ийн ерөнхий продюсер Стивен Спилберг “Raiders of the Lost Ark” киног анх үзэгчидтэй хамт үзэж байсан өдөр санаанд бууж байна. Санасныг бодоход хүлээлтийг давж чадсан.” хэмээн тухайн үеийнхээ сэтгэгдлээ хуваалцсан байна. 1981 онд “Raiders of the Lost Ark” гарахад Холливудын шилдэг цувралыг гүйцэж киноны түүхэн шинэ түвшнийг тогтоож, тулаант, адал явдалт төрлийн тодорхойлолтыг өөрчилсөн байна.

Ялангуяа Харрисон Фордын бүтээсэн Индиана Жонс хэмээх дүр нь хил хязгаар, нийгмийн үеэс үл хамааран дэлхий дахины үзэгчдэд үл мэдэгдэх ертөнц рүү чиглэсэн адал явдлыг мөрөөдүүлэх болсон байна.

“Индиана Жонс: Хувь тавилангийн хүрд” кинонд Индиана Жонсын эртний найз Реналдогийн дүрийг бүтээсэн Антонио Бандерас “Индиана Жонсыг анх үзэхээр явж байсан өдөр мөн кино театрынхаа нэрийг ч одоо хүртэл сайн санаж байна.” хэмээн дурсжээ. “Indiana Jones and the Temple of Doom (1985)”-д 12 настай хүү “Шорт роунд”-ийн дүрийг бүтээж анх Харрисон Фордтой уулзсанаас 30 жилийн дараа “Everything Everywhere All at Once” киногоор Академийн эрэгтэй туслах дүрийн шагналын эзэн болсон Ке Хюи Куан “Индиана Жонсын дүрийг Харрисон Форд л бүтээж чадна.” гээд Харрисон Фордын талаарх итгэл найдвар, хайр хүндэтгэлээ илэрхийлсэн байна. 

“Индиана Жонс: Хувь тавилангийн хүрд” яг одоо кино театруудад.