“Cinema Score дээр А ангилал”... “Оппенхаймер”, өмнөх бүтээл “Inception, Interstellar” кинонуудын рекордыг гүйцэв

2023-07-27 17:51:09

Кристофер Нолан найруулагчийн шинэ бүтээл “Оппенхаймер” кино өмнөх бүтээлүүдийнхээ рекордыг эвдэн нээлтийн үзэлтээр түүхэнд байгаагүй үнэлгээ авч дэлхий дахинаа шуугиан тариад байна. 2023 оны 07 сарын 25-ны өдөр “Universal Pictures” -ийн мэдээлснээр “Оппенхаймер” кино Умард Америкт нээлтийн үзэлтээр 82 сая долларын орлого олж, 2023 онд нээлтээ хийсэн R ангиллын бүтээлүүдээс нээлтийн үзэлтийн рекордыг шинэчлээд байна.

Энэ нь Кристофер Нолан найруулагчийн өмнөх бүтээл болох “Inception”, “Interstellar”, “Dunkirk” кинонуудын рекордыг эвдсэн бөгөөд нээлт хийхээс өмнө урьдчилан тооцоолж байсан 48-57 сая долларыг ч бас хамаагүй илүү давсан байна. “Оппенхаймер” кинонд дэлхийг аврахын тулд дэлхий ертөнцийг сүйтгэх аюулыг хянах ёстой суут ухаант эрдэмтний цөмийн эрчим хүч хөгжүүлэх төслийн тухай өгүүлэх ажээ. 

Киллиан Мерфи, Эмили Блант, Мэтт Дэймон, Роберт Дауни-Жуниор зэрэг шилдэг жүжигчид тоглохоор болсон төдийгүй, бүтээл бүр нь гайхалтай түүх, найруулгыг агуулдаг дэлхийг гайхшируулагч Кристофер Нолан найруулагчийн шинэ бүтээл гэдгээрээ нээлт хийхээс өмнө олны анхаарлыг ихээхэн татаж байв. Тус кино дэлхий дахинаа нээлтээ хийснээс хойш магтаал сайшаалаар тасрахгүй байгаа бөгөөд энэ зуны хамгийн их хүлээлт үүсгэж байсан кино гэдгээ харуулаад байна.

“Rotten Tomatoes” сайтад кино шүүмжлэгчдээс болон үзэгчдээс 94%-ийн үнэлгээ авч, киног үзсэн үзэгчдийн сэтгэгдлээр “Cinema Score” -д ч бас А ангилалд багтаад байна. Кристофер Нолан найруулагч энэ удаагийн бүтээлдээ анх удаа хар цагаан IMAX камерыг нэвтрүүлж, мөн атомын бөмбөг дэлбэлэх зэрэг киноны бүх үзэгдэлд ямар ч компьютер график ашиглалгүйгээр “Ж. Роберт Оппенхаймер”-ийн амьдрал уруу үзэгчдийг хөтлөх ажээ.  

“Оппенхаймер” яг одоо кино театруудад гарч байна. 

Зургийн эх сурвалж: Universal pictures