“Жокер”-ийн Хоакин Феникс, энэ удаад “Наполеон” болжээ

2023-08-29 04:33:15

“Жокер”-оор олны хүндлэл хүлээгээд байсан жүжигчин Хоакин Феникс энэ удаад Наполеоны дүрд хувирчээ. “Наполеон” киноны найруулагч Ридли Скотт “Empire” сэтгүүлийн ярилцлагын үеэр Хоакин Фениксийн жүжиглэлтдээ маш их анхаардаг талаар дурдсан байна.

Тус ярилцлагад Ридли Скотт хэлэхдээ Хоакин Феникс “Наполеон” киноны зураг авалт эхлэхийн өмнө түгшиж байгаагаа хуваалцсан гэжээ. Тэрээр “Хоакин Феникс кино зураг авалт эхлэхээс 2 долоо хоногийн өмнө над дээр ирээд юу хийхээ мэдэхгүй байна гэсэн. Тиймд би “юутай ч нааш ирээд суу” гээд 10 хоног үзэгдэл тус бүрийн талаар дүн шинжилгээ хийж хамтдаа ярилцсан. Энэ нь яг сургуулилалт хийсэнтэй адил гэж хэлж болно. Үнэхээр нарийн, нэг бүрчлэн тайлбарласан.” гэж уламжилсан байна.

Мөн тэрээр “Хоакины өмнөх баригдмал дүрүүдээс өөр байна. Зориуд тийм байгаа биш, мэдрэмж нь тийм байна. Тэр нь Хоакиныг хөдөлгөх хүч нь болсон юм. Хоакины сэтгэлд ямар нэгэн зүйл таалагдахгүй байвал шууд хэлдэг.

Тэрээр тасралтгүй асууснаар бүтээлийг илүү онцгой болгодог.” гэж Хоакин Фениксийн нягт нямбай, шаргуу занг магтсан байна. Энэ удаа Хоакин Феникс, Ридли Скотт хоёр анх удаа хамтарч байгаа биш. Тэд 20 гаруй жилийн өмнө “Гладиатор” кинонд хамтран ажиллаж байжээ. Хоакин Феникс тус бүтээлийн Францын эзэн хаан Коммодусын дүрээр Оскарын шагнал хүртэж байсан байна. 

“Наполеон” кино 2023 оны 11-р сарын 24-ны өдөр нээлтээ хийнэ. 

Зургийн эх сурвалж: Sony pictures