“Оппенхаймер” кино дэлхий дахинаас олсон орлого нь 800 сая доллар удахгүй давах нь ээ.. Ноланы Хойд Америк дахь хамгийн өндөр орлоготой бүтээл болжээ

2023-09-01 12:26:12

“Оппенхаймер” киноны дэлхий дахинаас олсон орлого нь 800 сая долларыг удахгүй давах нь байна. Бокс Оффис Можо сайтад мэдээлснээр “Оппенхаймер” кино зөвхөн Хойд Америкт 301 сая долларын орлого олсон бол “Inception” киноны 292 сая долларын амжилтыг эвдэж байгаа бөгөөд “The Dark Knight” цувралаас хойш Кристофер Нолан найруулагчийн Хойд Америк дахь хамгийн өндөр орлоготой бүтээл болсон байна. Түүнчлэн дэлхий дахинаас олсон орлого нь 788 сая доллар даваад байна.

Ийнхүү “Оппенхаймер” кино Кристофер Нолан найруулагчийн амжилтад хүргэсэн дэлхий дахинаас олсон орлого нь 500 сая доллар давсан 6 дахь бүтээл болсон бөгөөд R зэрэглэлийн киноноос Хойд Америкаас олсон орлогоороо TOP 5, Хойд Америкийн IMAX нээлтийн үзэлтээр орлогоор тэргүүлсэн TOP 4-д бичигдсэн зэрэг шинэ рекордуудыг тогтоогоод байна.

Дэлхий дахинаас олсон орлого нь 800 сая доллар удахгүй давах шинэ рекордыг тогтоогоод байгаа “Оппенхаймер” кино нь дэлхийг аврахын тулд дэлхий ертөнцийг сүйтгэх аюулыг хянах ёстой суут ухаант эрдэмтний цөмийн эрчим хүч хөгжүүлэх төслийн тухай өгүүлэх ба яг одоо кино театруудад гарч байна. 

Зургийн эх сурвалж: Universal pictures