“Бүтээгч”-д Холливудын төлөөлөх шинжлэх ухаан, уран зөгнөлт кино багийнхан бүгд нэгджээ

2023-09-05 04:46:42

“Бүтээгч” кино нь өндөр түвшний хиймэл оюун ухаанд түшиглэн цөмийн зэвсгийн дайралт эхэлснээс хойш, тусгай багийн гишүүн Жошуа хүн төрөлхтөнд аюул учруулах зэвсэг болох хүүхдийн төрхтэй хиймэл оюун ухаантай робот Альфаг илрүүлж, түүний улмаас өрнөх дайны тухай өгүүлэх шинжлэх ухаан, уран зөгнөлт блокбастер юм.

“Бүтээгч” киног найруулсан Гарет Эдвардс, эх зохиолыг бичсэн Крис Вайц нар нь түүхэн дэх хамгийн шилдэг шинжлэх ухаан, уран зөгнөлт кино цуврал гэгдэг “Оддын дайн” цувралын “Rogue One: A Star Wars Story”-д найруулагч, зохиолчоор тус тус ажиллаж байжээ. Тус бүтээл нь 89 дэх удаагийн Академийн шагнал гардуулах ёслолоос “Best Sound Mixing”, “Best visual effect” номинацид дэвшсэн зэрэг шуугиан тарж байсан төдийгүй дэлхий дахинаас 1 тэрбум долларын орлого олж, үзэгчдийн хайр хүндэтгэлийг хүлээж байжээ. 

Шинжлэх ухаан, уран зөгнөлт төрлийн өвөрмөц үзэгдэл, хүмүүсийн түүхийг гүйцэтгэл сайтайгаар дүрсэлсэн найруулагч, зохиолч нар “Бүтээгч” кинонд ойрын үед дэлхийг эзлэх үзэгдлийн талаар өгүүлсэн төдийгүй тэдний сэтгэл хөдлөлийг гүн гүнзгий илэрхийлсэн байна. Түүнчлэн шилдэг гүйцэтгэл сайтай шинжлэх ухаан, уран зөгнөлт киноны зураг авалтыг хариуцан 94 дэх удаагийн Академиас “Best Cinematography” шагнал хүртсэн Грег Фрэйзер зураглаач “Rogue One: A Star Wars Story”-ийн зураг авалтад хамтран ажилласан Гарет Эдвардс найруулагч, Крис Вайц зохиолчтой “Бүтээгч” кинонд дахин хамтарч ойрын үед дэлхийн шинээр өрнөх үйл явдлыг харуулах ажээ.

Мөн “Blade Runner 2049”, “Dune” киноны эвлүүлэгчээр ажиллаж 94 дэх удаагийн Академийн шагнал гардуулах ёслолоос “Best Film Editing” шагналыг хүртсэн Жое Уолкер, “Gravity”-ийн special effects-ийг хариуцан 86 дахь удаагийн Академийн шагнал гардуулах ёслолоос “Best Visual Effects” шагнал хүртсэн Нил Корбулд нар хүч нэгтгэн гүйцэтгэлийг сайжруулсан байна. 

“Бүтээгч” кино 2023 оны 09 сарын 29-ний өдөр кино театруудад нээлтээ хийнэ.