“Буг чөтгөр номхотгогч: Итгэгч”, хоёр охины биеийг эзэмдсэн муу ёрын сүнс...

2023-10-04 18:15:07

Аймшгийн киноны ариун судар “Буг чөтгөр номхотгогч”-ийн шинэ бүтээл “Буг чөтгөр номхотгогч: Итгэгч” кино удахгүй нээлтээ хийнэ.

Тус киног шилдэг аймшгийн кино бүтээдгээрээ алдартай Блумхаус компани бүтээжээ. Хоёр охины биеийг нэгэн зэрэг эзэмдсэн муу ёрын сүнстэй нүүр тулсан “Итгэгч”-ийн талаар өгүүлэх ажээ. Нийтийн хүртээл болсон трэйлерт үл мэдэгдэх муу ёрын сүнсэнд нэгэн зэрэг эзэмдүүлсэн “Анжела”, “Катерин” нар өдөр ирэх тусам нуруу хүйт оргим байдлаар хувиран өөрчлөгддөг.

Нэг өдөр, нэг цагт зэрэг алга болсон хоёр охин хамаг бие нь шарх болсон, санах ойгоо алдсан байдалтайгаар хотын захын нэгэн газраас олддог. Тэд охидыг олоод сэтгэл амарсан боловч, төд удалгүй “Анжела”, “Катерин” хоёрыг эзэмдсэн муу ёрын сүнс тэдний биеэр өөрийн оршин байгааг харуулж эхэлдэг. Зальтай ёрын муу сүнсэнд эзэмдүүлж гадна төрхөөс авхуулаад биеийн шар үс босгом байдалтайгаар хувиран өөрчлөгдөж эхэлсэн хоёр охин цаг хугацаа өнгөрөх тусам аажмаар догшин, ширүүн үйлдлүүдийг гаргаж, тааварлашгүй аймшгийг авч ирдэг.

Муу ёрын сүнс хоёр охины нэгийг нь амьдруулбал нөгөө нь үхэх хэцүү сонголтыг санал болгож, үзэгчдийг гүнд цочролд оруулах болно. Олон нийтэд цацагдсан “Буг чөтгөр номхотгогч: Итгэгч” киноны трэйлер нь дэлхий дахины аймшгийн киноны шүтэн бишрэгчдийн сонирхлыг татаж, 26 сая гаруй хандалтыг авсан байна. Кино театруудыг байлдан дагуулах “Буг чөтгөр номхотгогч: Итгэгч” кино 2023 оны 10 сарын 13-ны өдөр нээлтээ хийнэ. 

Зургийн эх сурвалж: Universal pictures