“The Marvels”, гурван баатар

2023-11-09 10:47:51

MCU-ийн супер баатар, Ахмад Марвелын 2 дахь түүх хийгээд 2023 оны хамгийн шилдэг блокбастер кино “The Marvels”-т гурван баатар нэгдэж, хамтдаа өсөн дэвждэг тухай өгүүлдгээрээ өмнөх ангиасаа ялгаатай.

Өмнөх анги болох “Ахмад Марвел”-д Ахмад Марвел “Кэрол Данверс”(Бри Ларсон) ямар ч хүнд бэрхшээл дунд дахин босож, өөрийн хэн гэдгээ мэдэхээр явдаг талаар өгүүлж олон үзэгчдийн хайр хүндэтгэлийг хүлээсэн билээ.

Үргэлж ганцаараа тулалддаг байсан Ахмад Марвел “The Marvels”-т шинэ хамтрагч нартайгаа хамт аюулыг даван туулж өсөн дэвжиж байгаагаараа илүү олон үзэгчдийн хайр хүндэтгэлийг хүртэнэ гэсэн хүлээлт үүсгээд байна.

Тус кино нь сансар огторгуйг хамгаалах баатар Ахмад Марвел “Кэрол Данверс” хүчээ ашиглах бүрд “Моника Рамбо”, Хатагтай Марвел “Камала Каан”-тай байршил нь өөрчлөгддөг аюулд унаж, санаандгүйгээр шинэ багаар ажиллах болдог тухай өгүүлэх баатартай тулаант блокбастер юм.

Киноны эхэнд, гурван баатрын хүч хоорондоо орооцолдон тааварлашгүй аюулд унасан болохоо мэдсэнээс хойш Ахмад Марвел өөрийн сансрын зогсоолд амьдарч, хүчээ ашиглахгүй, өөрийгөө хамгаалдаг.

Ахмад Марвелын дүрийг бүтээсэн Бри Ларсон нь ““Кэрол” өөрөөсөө болж өөр хэн нэгэн аюулд бүү унаасай гэж хүсэж байсан.” гээд үргэлж аюулыг ганцаараа шийдэж ирсэн “Кэрол Данверс”-ийн зүрх сэтгэлийг төлөөлөн хэлжээ. 

Гэвч удалгүй “Кэрол Данверс” энэ асар их аюулаас ангижрахын тулд хэн хэнийх нь тусламж хэрэгтэй байгааг ойлгож, Ахмад Марвелын “Илүү өндөр, илүү хол, илүү хурдан” гэсэн уриа нь “хамтдаа” байхгүй бол хэцүү болохыг ойлгодог.

Бри Ларсон “Бид энэ дэлхийд хамтдаа амьдарч байгаа л бол бие биедээ хэрэгтэй, бүгд хүчээ нэгтгэн амьдрах ёстой гэсэн гайхалтай зүйрлэл.” гэж илэрхийлсэн байна.

Ниа ДаКоста найруулагч “Энэ бүх гайхалтай тулаан, галактикийг давах элемент ч бас сонирхолтой боловч, гурван баатрын сэтгэл хөдөлгөсөн, дүрдээ төвлөрсөн хүүрнэл хамгийн чухал нь байлаа.”гэж хэлжээ.  

“The Marvels” 2023 оны 11-р сарын 10-ны өдөр нээлтээ хийнэ.

Зургийн эх сурвалж: Disney