Марвелын шинэ баатар... “Madame Web”?

2024-02-07 18:12:04

Ирээдүйн бүх хувь тавиланг найруулах Марвелын шинэ баатар мэндэллээ. Марвел комиксын “Madame Web” нь 1980 онд анх гарч, ирээдүйг зөгнөх чадвартай, хүчирхэг сэтгэлийн хүч чадвараар Хүн-Аалзын ертөнцийг өргөжүүлсэн дүрээр шүтэн бишрэгчдийн анхаарлыг татжээ. “Madame Web” бүрэн хэмжээний кино бүтээх талаарх яриа шуугиан тарьж буй энэхүү бүтээлд эх зохиолын тэргэнцэр дээр сууж байгаа дүрээр бус, тэргэнцэр дээр суухаас өмнө, түүний эхлэлийн талаар өгүүлнэ гэж яригдаж байгаа нь илүү их анхаарлыг татаж байна.  

Хүмүүсийг хамгаалах үүрэгтэй онцгой байдлын аврагч Касси  Вэбб (Дакота Жонсон) нь авто осол гарсан газар дээр хүн аварч байхдаа осолд орж, ер бусын байдлаар аврагддаг. Түүнээс хойш тэрээр байнга хий юм харах болж, тэр нь цаашид болох ирээдүй юм байна гэдгийг ойлгодог.

Энэ үед хувь тавилан нь өөрчлөгдөх 3 сурагчид тулгарах аюулыг урьдаас мэдэх болсон Касси Вэбб алгуур шинэ баатар “Madame Web” болж өөрчлөгдөх нь Марвелын бусад бүтээлээс ялгаатай, уянгын түүхийг өгүүлэх аж. 

Ялангуяа түүний хүч чадал ирээдүйн бүх хувь тавилантай хэрхэн холбогдож байгаа, цаашлаад адил хүч чадалтай хүчирхэг хорон санаатнууд гарч ирж ямар тулааныг өрнүүлэх нь сонирхол татаж байна.

“Касси Вэбб” хийгээд “Madame Web”-ийн дүрийг авч, анхны баатрыг бүтээсэн Дакота Жонсон ‘Madame Web нь нисэхгүй, мангас болж хувирахгүйгээрээ бусад супер баатруудаас ялгаатай. Надад үнэхээр таалагдсан.” хэмээн хэлсэн байна.

Тус бүтээлийн найруулагчаар “Heroes”, “The Defenders” зэрэг бүтээлээр найруулах чадвараа хүлээн зөвшөөрүүлсэн Эс Жэй Кларксон ажиллажээ.

Мөн “Fifty Shades Freed” цуврал, “Suspiria”, “The High Note”, “The Lost Daughter” зэрэг олон жанрт хүчээ сорьж жүжиглэх чадвараа хүлээн зөвшөөрүүлсэн Дакота Жонсон, Квентин Тарантино найруулагчийн “Once Upon a Time … in Hollywood”-д тоглож өнөө цагийн Холливудын хамгийн анхаарал татаж байгаа шинэ авьяастан Сидни Суини, “Transformers: The Last Knight”, “Sicario: Day of the soldado”-д тоглож дэлгэцийн бүтээлээ нэмсээр байгаа Изабела Монер, “Freaky”-ийн Селеста О’Коннор зэрэг шилдэг жүжигчид нэгдэж жүжиглэх гайхалтай чадварыг харуулах нь анхаарал татаж байна.

Мөн “Аватар”, “Black Widow” зэрэг дэлхий дахинаас хайр хүндлэл хүртсэн бүтээлд хамтран ажилласан киноны багийнхны тулаантай, уянгын түүхийг өгүүлэх шинэ ертөнцийг үзэх үзлийг харуулах нь хүлээлт үүсгэж байна.

“Madame Web” кино 2024 оны 02 сарын 16-ны өдөр нээлтээ хийнэ. 

Зургийн эх сурвалж: Sony pictures