“Бичин Гарагийн Хаант Улс”, 2024 оны 5-р сард нээлтээ хийнэ
2024-02-27 11:19:47
Уолт Дисней студийн “Бичин Гарагийн Хаант Улс” киноны Super Bowl тэмцээний үеэр трэйлерийг олон нийтэд цацжээ. 2024 оны 02-р сарын 11-ний өдөр Америкийн “2024 Super Bowl”-оор эхний улирлын хүлээлт үүсгэж буй бүтээл “Бичин Гарагийн Хаант Улс” киноны трэйлер цацагдав. Тус танилцуулга трэйлерээс илүү өргөн цар хүрээтэй ертөнцийг үзэх үзэл, дүр тус бүрийн эрч хүч дүүрэн түүхийн тухай өгүүлэх нь сонирхол ихээр татах ажээ.
Ялангуяа хүн дүрст сармагчин (anthropoid)-ы асар том эзэнт гүрнийг байгуулсан булаан эзлэгч Проксимус (Кевин Дюранд)-ийн илт давуу байдал, хамтдаа “Бидний эрин үе ирлээ, энэ газар бидний хаант улс, мөн би булаан эзлэх болно.” гээд хайр найргүй сануулж байгаа нь анхаарал татах аж. Улмаар сонгодог алдарт бүтээл “Planet of the Apes”-ийн алдарт үзэгдлийг хүндлэх мэт сул дорой хүн төрөлхтнийг үл энэрэн агнах хүн дүрст сармагчны армийн дүр төрх үнэхээр хүнд цохилтод оруулж анхаарал ихээр татах ажээ.
Үүний зэрэгцээ Проксимустай халз тулалдах байх гэж таамаглагдах шинэ хүн дүрст сармагчин Ноа (Оуэн Тиг), хүний охин (Фрейя Аллан)-ы дүр төрх бүтээлийг илүү сонирхолтой болгоно. Домог шиг оршин буйгаа илтгэсэн Цезарийн сургаалыг үргэлжлүүлэн дагах эд нар “Домогт хүн дүрст сармагчинтай хүн төрөлхтөн зохицон амьдардаг байсан гэдэг. Боломжгүй мэт харагдаж байгаа боловч” гээд Ноад шинийг ухааруулж, бүрэн өөрчлөгдсөн дэлхий ертөнц Ноагаас асуудаг. Мөн хүн төрөлхтөн дундаас дэндүү ухаантай гэх охины амийг Проксимус авах гэдэг нь илчлэгдэж, төсөөлшгүй түүхийн хөшгийг нээдэг.
“Бичин Гарагийн Хаант Улс” нь боолын дайны дараагаас хувьсан өөрчлөгдсөн хүн дүрст сармагчин болон сул дорой хүн төрөлхтөн амьдардаг баян бүрдэд хүний нууцлаг технологийн ул мөрийг хайхын тулд Цезарийн итгэл үнэмшлийг зөрчиж, бусад үндэстнийг боол болгосон шинэ хүн дүрст сармагчны ахлагч, хүний охинтой хамт эрх чөлөөг олж авахаар аянд гарах өөр нэгэн хүн дүрст сармагчин гарч ирж өрнөх шинэ эрин үеийг дүрсэлсэн бүтээл юм. 2017 онд “Бичин Гарагийн Дайн” гарснаас 7 жилийн дараа өргөн дэлгэцээр эргэн ирсэн шинэ цуврал ажээ.
Зургийн эх сурвалж: 20th century fox
