“Хий Үзэгдлийн Ангуучид: Мөсөн Хот”, 2024 оны 04 сарын 12-ны өдөр нээлтээ хийнэ... анхны гишүүд ч бас тогложээ

2024-03-09 17:41:32

“Ghostbusters” цувралын 4 дэх бүтээл мөн “Хий Үзэгдлийн Ангуучид: Сэргэн Мандалт” киноны үргэлжлэл ажээ. Энэхүү бүтээлд Спенглерийн гэр бүл Оклахома мужийн Саммервиллээс явж бүх түүхийн эхлэл болсон Нью-Йорк хотын бэлгэдэл гал түймэр унтраах, аврах анги руу буцдаг.

Тэндээ сүнсийг илүү сайн хөөхийн тулд нууц лабораторийг байгуулсан анхны Хий үзэгдлийн ангуучдад туслахаар шийддэг. Гэтэл зуны нэгэн өдөр, эртний нэгэн олдвор олдсоноор хар дарсан зүүд эхэлдэг.

Эртний олдвороос ер бусын хүч гарч, гэнэт 2-р мөстлөгийн үе нүүрлэж дэлхийн хүмүүс амьд үлдэх эсэхтэй нүүр тулдаг. Энэ үед Хий үзэгдлийн ангуучид хүйтэнд үрждэг ер бусын оршихуй болох шинэ сүнснүүдтэй халз тулалдаж, 2-р мөстлөгийн үеэс дэлхийг аврахаар хичээн зүтгэдэг. 

Сонирхолтой түүхийг өгүүлэх “Хий Үзэгдлийн Ангуучид: Мөсөн Хот”-ийн жүжигчдийн бүрэлдэхүүнд шүтэн бишрэгчид үнэхээр сэтгэл хангалуун байгаа. Гол дүр Тревор Спенглерийн дүрийг “Netflix” -ийн “Stranger Things”-ээр олонд танигдсан жүжигчин Финн Вулфхард, Гэри Груберсоны дүрийг “Antman” киногоор олонд танигдсан Пол Радд бүтээх ажээ.

Мөн тус бүтээлд “Ghostbusters” анхны цувралын жүжигчид болох Билл Мюррей, Дэн Эйкройд, Эрни Хадсон нар тус ангид гарах аж. Тэд 1984 онд олны хүртээл болсноос хойш, 30 жилийн дараа тоглож байгаа нь шүтэн бишрэгчдээ баярлуулж байна. Анхны гишүүд, шинэ гишүүдийн хамтрал илүү хүлээлт үүсгэж байгаа “Хий Үзэгдлийн Ангуучид: Мөсөн Хот” кино 2024 оны 4-р сарын 12-ны өдөр нээлтээ хийнэ. 

Зургийн эх сурвалж: Sony pictures