Илүү аймшигтай болсон ... “Муу ёр 666: Эхлэл” 2024 оны 04-р сарын 05-ны өдөр нээлтээ хийнэ

2024-03-22 01:21:41

Алдарт франчайз аймшгийн кино “Муу ёр 666”-гийн өмнөх түүхийг өгүүлэх “Муу ёр 666: Эхлэл” киноны гол постер, трэйлер цацагджээ. 

“Муу ёр 666: Эхлэл” кинонд гэлэнмаа болохын тулд Ром руу явсан “Маргарет” ад зэтгэрийн төрөлттэй холбоотой нууц явуулгатай нүүр тулж, итгэл үнэмшлийг нь ганхуулах нууцлаг ертөнц рүү алхаж орсноор эхэлж үйл явдал өрнөх ажээ. “Муу ёр 666: Эхлэл”-д “Damien”-ий гарал үүсэл, “666” тооны эхлэлийн талаар өгүүлэх аж. 

Энэ нь бүгдийг айдаст автуулж “Муу ёр”-ын синдромыг бий болгосон элементүүдийн нуугдмал үнэнийг харуулж, илүү их сэртхийлгэх ажээ. Тус бүтээлийн найруулагч Аркаша Стевенсон ““Муу ёр 666: Эхлэл” кино өмнөх ангиудын эхлэл байхын зэрэгцээ бие даасан кино байхыг чухалд тооцсон. Түүнчлэн үзэгчдэд илүү онцгой мессеж өгөх болно.” гэж уламжилжээ. 

Олон нийтийн хүртээл болсон постерт харанхуй болон гэрлийн хүчний илэрхий ялгаатай байдал нь анхаарал татах аж. Харанхуйн хүчинд автсан нэгэн гэлэнмаа нярай хүүхэд тэвэрсэн байгаа нь үзэгчдэд үл мэдэгдэх ямар нэгэн айдсыг мэдрүүлэх ажээ. Ямар нэгэн зүйлээс эмээх гэлэнмаагийн нүүрний хувирал, нууцлаг хүүхдийн дүр төрх нь “ 6 дахь сарын 6 дахь өдрийн 6 цагт тэр төрөх болно ” гэх үгийн биелэл нь дэлхий дахиныг айдаст автуулсан “Муу ёр”-ын эхлэлийн талаарх сонирхлыг илүү төрүүлэх аж. 

“Муу ёр 666: Эхлэл” кино 2024 оны 04-р сарын 05-ны өдөр кино театруудад нээлтээ хийнэ. 

Зургийн эх сурвалж: 20th century fox