“Фрозен 2” киноны шинэ дүр Бруни

2019-11-08 05:58:04

Женнифер Ли, Крис Бак нарын найруулсан “Фрозен 2” кинонд шинэ дүр нэмэгджээ. Эгдүүтэй нүдээрээ шүтэн бишрэгчдийнхээ сонирхлыг татаад байгаа энэ дүр бол “Бруни” юм.

Шидэт ойд амьдардаг саламандер гүрвэл. Тэр бол галын сүнс. Элсагийн алганд багтах эвлэгхэн биетэй. Бяцхан биен дэх том нүд бол түүний бахархал.

Бруни Элсагийн ид шидийг хараад сэтгэл нь татагддаг. Тэрээр “Би хэн бэ?” гэх тодотголтойгоор гарч ирсэн бөгөөд тэрээр Элса, Анна, Олаф, Свен, Кристоффтой хамт адал явдалд гардаг.

“Фрозен 2” кино энэ сарын 22-нд нээлтээ хийх ба Элса, Анна, Кристофф, Олаф нар Аренделийн хаант улсын нууцлагдсан үнэнийг олох адал явдалд гардаг. Тэд Арендалийн хаант улсад энх тайвныг авчирч чадах болов уу?