Төрөх дөхсөн Энн Хэтэуэй

2019-11-08 14:00:49

Хоёр дахь хүүхдээ өлгийдөн авах гэж буй жүжигчин Энн Хэтэуэйн гэрэл зураг интернетэд тавигджээ.

Холливудын жүжигчин Энн Хэтэуэй 10 сарын 10-нд Америкийн Нью-Йоркт нэгэн музейн нээлтэд оролцжээ. Тухайн үед цагаан өнгөөр жигдэрсэн хээнцэр дэгжин жүжигчин бүсгүйн төрх өөрийн эрхгүй нүд булаана.

Энн Хэтэуэй 2012 онд кино жүжигчин, эрдэнийн чулууны дизайнер Адам Шульмантай 4 жил хамт амьдарсны эцэст гэрлэж, 2016 онд хүү Жонатанаа төрүүлжээ.

Энн Хэтэуэйг 2018 онд хоёр дахь хүүхдээ олсон гэх цуу яриа тарж байсан бөгөөд хүмүүс түүнийг жин нэмсэнтэй холбогдуулан ийнхүү цуурхал тарчээ. Тухайн үед Энн Хэтэуэй “Киноны дүрд тоглох гэж зориуд жин нэмсэн юм”, “Энийг заавал ил тод тайлбарлах ёстой нь хэцүү санагдаж байна” гэж хариулж байжээ.

Тэрээр Les Miserables(2012), The Dark Knight Rises(2012), Interstellar(2014), The Intern(2015), Ocean’s 8(2018) зэрэг олон бүтээлүүдэд тоглож чадварлаг жүжигчин гэдгээ батлан харуулсан юм.