Netflix: Streaming үйлчилгээ цаашид оршин тогтнох уу?
2019-11-08 06:07:55
Netflix бол яах аргагүй глобал интернэт стрийминг үйлчилгээнд тэргүүлэгч компани. Сүүлийн 3 сарын хугацаанд л гэхэд 6.7 сая хэрэглэгч шинээр энэ үйлчилгээнд бүртгүүлж, нийт хэрэглэгчийн тоо 105 сая 300 мянгад хүрчээ.
Гэвч Netflix-ийн ирээдүй бүрхэг байна. Энэ оны сүүлийн хагаст багтаж Disney, HBO, Apple гэсэн томоохон компаниуд олон жилийн судалгааны үндсэнд стрийминг үйлчилгээгээ эхлэх гэж байна.
10 сарын 16-ны өдөр Netflix-ийн гүйцэтгэх захирал Рид Хастингс хувьцаа эзэмшигчдэд цаашдын өрсөлдөөн Netflix-ийн ирээдүйд чухал тулгуур болно гэсэн агуулга бүхий захидал илгээжээ. Стрийминг үйлчилгээний салбар тэлж томорч байгаа нь TV-ийн эрин үе дуусаж байгааг илэрхийлж байна гээд "Өргөн нэвтрүүлгийн TV-ээс кабелынх болж шилжсэн шиг одоогийн өөрчлөлт бас олон компанид шинэ боломж авчирна" гэж үзжээ.
Хэдий тийм боловч Netflix-д сул тал бий. Netflix Америкийн олон ангит Friends цуврал болон бусад олон үзэгчтэй TV хөтөлбөрийг ихээхэн цацаж байв. Гэтэл өрсөлдөгч нар нь олширч, цаашид одоогийнх шигээ сайн кино, олон ангитын гэрээг үргэлжлүүлэн хийж чадах болов уу гэсэн эргэлзээ төрж байна.
Disney, HBO компаниуд өөр өөрсдийн стрийминг үйлчилгээ явуулдаггүй байсан шигээ байхгүй нь ойлгомжтой. 2015 оноос Netflix-ээр үзэх боломжтой болсон Friends цуврал дараа жилээс зөвхөн HBO-д контентоо өгөхөөр болжээ.
Netflix-ийн хувьцаа эзэмшигч нар мөнгө нэмж зээлээд ч хамаагүй ориг контентод хөрөнгө оруулахаар болсон байна. Netflix энэ жил Эммигийн наадмаас 27 шагнал авч ямар байр сууринд гарснаа харуулсан боловч сүүлийн үед хөрөнгө оруулагчдын санаанд хүрэхээргүйгээр, амжилт чамлалттай болсон нь үнэн. Зун Netflix-ийн хит бүтээл Stranger Things-ийн шинэ цуврал гарсан ч Америкт ердөө 530 мянган хүн шинээр захиалжээ.
Friends, The Office киноны зохиогчийн эрх өрсөлдөгч компанид байгаа учир яах ч аргагүй юм гэхэд, Netflix шинэ шоу контентоор ч өрсөлдөгчдөө гүйцэхээргүй байгаа юм.
Энэ жил хамгийн их найдлага тавьж байсан BBC, Амазоны хамтын бүтээл Fleabag шоуны эхэн шатанд ч Netflix Амазонд шахагджээ. Apple өөрийн компанийн стрийминг үйлчилгээгээр Женнифер Энистон, Риз Видерспуны оролцсон Morning Show зэрэг ориг контентод хамаг анхаарлаа хандуулж байна.
Netflix интернэт стриймингийн салбарт хүчтэй компанийн байр сууринд хүрснээс хойш 12 жилийг ардаа үджээ. Харин цаашид хэрэглэгчдийн сэтгэлийг татсаар байж чадах уу гэдэг нь эргэлзээтэй болж байна.
<ⓒ Reporter.mn >
