Веномын найруулагч Хүн аалз, Веном нарын тэмцлийн талаар өгүүлжээ
2019-11-08 06:10:43
Хүн аалз Том Холланд, Веном Том Харди нарын тэмцлийг удахгүй үзэхсэн гэсэн хүсэл найдлага шүтэн бишрэгчдийн дунд үүслээ.
10 сарын 14-нд Веном киноны найруулагч Рубен Флейшерийн дараагийн бүтээлийн тухай MCU COSMIC дурджээ. Хүн аалз Веном хоёр тэмцэлдэх аж. Найруулагч “Хүн аалз, Веном хоорондоо яаж тэмцэлдэхийг харах сонирхолтой байх болно” гэж мэдэгдсэн байна.
Веном бол Марвелын анхны хорон санаат баатар бөгөөд аль хэдийн өөрийн гэсэн шүтэн бишрэгчидтэй болсон дүр. Шударга сурвалжлагч Эдди Брок(Том Харди) харийн амьд биет симбиотын голомт болсноос хойш Хүн аалзын эсрэг тэмцэх Веном болно.
Рубен Флейшер ирэх жил нээлтээ хийх Веном-2 кинонд шууд Хүн аалзтай тэмцэлдэнэ гэж ойлгож болохгүй гэжээ. Гэхдээ цаашдаа Хүн аалз, Веном хоорондоо тэмцэлдэх нь тодорхой юм байна. Веном-3, эсвэл Сонигийн бусад кинонд гарч магадгүй.
Шүтэн бишрэгчид нь энэ хоёрын тэмцлийг бушуухан харахсан гэж хүлээж, ихээхэн найдлага тавьж байгаа билээ.
