'Фрозен 2' кино 11-р сарын 11-нд нууцаа дэлгэв.
'Фрозен 2' кино нь нууцлагдмал өнгөрсөн амьдрал, шинэ хувь тавиланг эрж хайхын тулд адал явдалд гарч буй Элса, Анна хоёрын тухай өгүүлдэг.
5 жилийн дараа илүү сонирхолтой түүхээр эргэн ирсэн 'Фрозен 2' кинонд намраар дүрслэгдсэн Аренделийн хаант улс гардаг. Энэхүү бүтээлээр Элса, Анна хоёртой тулгарч буй өөрчлөлтийн үр дүнг харуулахыг зорьсон кино багийнхан утга санаагаа илтгэх улирлаар намрыг сонгожээ.
Кино баг Норвеги, Финланд, Исланд зэрэг улсуудад очиж судалгаа хийж киноны анаагаа баяжуулсан байна. Байгалийн үзэсгэлэнт газрыг дүрслэхээс гадна улс бүрийн байгаль орчин, соёл, амьдрах ухаан, ургамлын талаар тууштай судалжээ. Шаргал, улаан, нил ягаан зэрэг өнгөөр намрыг дүрсэлсэн байна.
Продакшн дизайнер(зураач) Майкл Жиаймо “Элса, Анна 2 аялалд тодорхой зорилготой гарч, ийнхүү аялах замдаа өсөж өндийн, ухаажиж хэрсүүждэг. Цас хайлан газар ил гардаг шиг тэд зовлон бэрхшээлийг нэг нэгээр нь даван туулдаг.” хэмээн тайлбарлажээ.
Мөн шидэт ой гарна. Аюулд орсон Аренделийн хаант улсыг аврахын тулд нэгэн дуу хоолойг даган явах Элса, Анна хоёр шидэт ойг чиглэн, тэнд адал явдал өрнөнө. Кино баг үзэгчдийн сонирхлыг татах янз бүрийн үзэгдлийг харуулахын тул маш их хичээсэн.
Эгч дүү хоёрын адал явдалтай хамт ус, гал, салхи, газрын сүнснүүдийн ер бусын хүч гарч ирж тэрхүү орон зайг дүүргэнэ. Шидэт ойд олон янзын навчис, тэнгэр баганадсан мод зэрэг гарна.
Өмнөх цуврал дууссанаас 3 жилийн дараах түүхээр эхлэх “Фрозен 2” кинонд хайр татам дүрүүд эргэн ирсэн байдаг. Элса, Анна хоёроос авахуулаад Кристофф, Свен, Олаф гээд өөр өөрийн онцлогтой дүрүүд хайр татам байдлаар эргэн иржээ.
Тус кино 11-р сарын 22-ны өдрөөс кинотеатруудын дэлгэцнээ.
ⓒ Reporter.mn
© 2019-2020 , Зохиогчийн эрх хуулиар хамгаалагдсан. Мэдээлэл хуулбарлах хориотой. developed by AJU