“Despicable Me”-ийн нийт борлуулалт 5 тэрбум доллар... өмнөх анимэйшнүүдээс хамгийн шилдэг

2024-07-17 09:26:07

“Despicable Me” цуврал нь анимэйшний франчайзаас борлуулалтаараа 5 тэрбум долларыг давсан анхны анимэйшн боллоо гэж Universal Pictures компани 2024 оны 07-р сарын 15-ны өдөр мэдэгджээ. 

Америкийн киноны мэдээллийн сайт Boxoffice-д мэдээлснээр “Despicable Me 4”-ийн борлуулалт Умард Америкт 211 сая доллар, бусад улсуудад 226.7 сая доллар, нийт 437.8 сая долларт хүрчээ. “Despicable Me” болон “Minions” цувралын нийт 6 ангийн борлуулалт 5 тэрбум 87.22 сая доллар давсан байна. 

Одоо кино театрт гарч байгаа “Despicable Me 4” нь 2010 онд анх нээлтээ хийсэн “Despicable Me” цувралын 4 дэх бүтээл билээ. Танхай этгээд байхаа больж, танхай этгээдүүдийг хариуцан шийдвэрлэх баг болсон минионуудын агент, “бяцхан Грю” мэндэлснээр чадвар нь нэмэгдсэн Грюгийн гэр бүл танхай этгээд Максимтай халз тулалддаг блокбастер кино юм. Шинээр гарч ирсэн танхай этгээд болохыг хүсдэг Поппи нь BTS хамтлагийн албан ёсны шүтэн бишрэгчдийн армийн гишүүн юм. 

Original Soundtrack(OST)-нд BTS хамтлагийн “Dynamite”, Blackpink хамтлагийн “Boombayah” дуунууд багтжээ. 

Өмнөх гурван “Despicable Me” цувралд бүгдэд нь хамтран ажилласан Фаррелл Уильямс энэ удаад донтуулах хэмнэлтэй “Double Life” дууг дуулж ихээр анхаарал татаж байна. Тэрээр “Despicable Me 2”-ын дуу “Happy” дуугаар Billboard-ын жагсаалтад 10 долоо хоног 1-рт бичигдэж, 57 дахь удаагийн Grammy Awards-ийн шагналыг хүртсэн билээ. Элтон Жон, Дуа Липа нарын дуулсан “Gold Heart” дуу мөн OST-д багтжээ.

Зургийн эх сурвалж: Universal pictures