Шинэ Ахмад Америк мэндлэх нь ээ... “Brave New World” 2025 оны 02-р сард нээлтээ хийнэ

2024-07-20 06:41:43

“Captain America: Brave New World” кино олонд ил боллоо. 

2025 оны 02-р сард нээлтээ хийхээр төлөвлөж байгаа “Captain America: Brave New World” (найруулагч Жулиус Она) нь Стив Рожерсоос вибраниум бамбай өвлөн авч түүний араас ахмад Америк болсон Сэм Уилсон (Антони Маки)-ыг гол хүнээ болгож бүх зүйл нь өөрчлөгдсөн шинэ түүхийг өгүүлэх кино юм. 

Олон нийтэд цацагдсан танилцуулга постерт хэн гэдэг нь үл мэдэгдэх гар Ахмад Америкийн бэлгэдэл вибраниум бамбайг атгасан нь их анхаарал татах аж. Энэ нь дэлхий ертөнцийг заналхийлэх дайсан гарч ирэхийн зэрэгцээ цаашид үүнтэй тулалдах шинэ Ахмад Америкийн талаарх хүлээлтийг үүсгээд байна. 

Постертой хамт цацагдсан танилцуулга трэйлерт шинэ Ахмад Америкаар дахин төрсөн Сэм Уилсон, Таддеус Росс (Харрисон Форд) нар ахин уулзаж байгаагаар эхэлнэ. 

Жанжинаас ерөнхийлөгч болсон Таддеус Росс нь Сэм Уилсонд үзэл бодол өөр байсан өнгөрсөн үеэсээ салж илүү сайхан дэлхий ертөнцийн төлөө хамтаръя гээд Ахмад Америк цэрэг тул албан ёсоор дахин албандаа орохыг хүсэж, Сэм үүнийг нь хүлээн авдаг. 

Гэтэл гэнэт Таддеус Росс руу довтолж эхлэх ба урвагч дотор нь байгаад Сэм Уилсон сэжиглэж Таддеус Росстой мөргөлддөг. 

Гэвч “Чи Ахмад Америк боловч, Стив Рожерс биш.” гээд түүн рүү довтлоход “Тийм ээ, би биш.” гэж хариулаад өмнөх Ахмад Америкаас өөр замаар явж буй шийдэмгий байдал нь хүлээлт үүсгэж байна. 

Улмаар хэн нэгнийг мөшгөж буй сэтгэл түгшээм байдал, машины дэлбэрэлт, түгшүүртэй байдал зэрэг тулаан нь “Ахмад Америк” цувралын өөрийн гэсэн өвөрмөц байдлыг харуулах ажээ. Ялангуяа далай дээгүүрх болон агаар дахь тулаан, вибраниум бамбай гээд харахад л зүрх зогсоом хурд, нарийвчлал нь сэтгэлийг сэргээх аж.   

Мөн трэйлерийн төгсгөл хэсэгт бүх бие нь улаан өнгөтэй нэгэн зүйл Ахмад Америкийн бамбайг газарт унагаах нь цаашид хэрхэн өрнөх бол гэсэн сонирхлыг төрүүлнэ. 

“Captain America: The Winter Soldier”-т анх гарч, түүнээс хойш Ахмад Америк Стив Рожерсийн түшигтэй хамтрагч хийгээд мөн өөр баатар Falcon-ий дүрийг бүтээж ирсэн жүжигчин Антони Маки шинэ Ахмад Америкаар гарч ирж, одооноос өөр байдлыг харуулах болно. 

Мөн таалал төгссөн жүжигчин Уильям Хертийн дараа “Captain America: Brave New World”-д Харрисон Форд нь Таддеус Россын дүрийг бүтээж, түгшүүртэй түүхийг хамтдаа бүтээх ажээ. 

Түүнчлэн Disney+ “The Falcon and the Winter Soldier”-т тоглосон Карл Ламбли, “The Incredible Hulk”-д тоглосон Тим Блэйк Нелсон, Лив Тайлер зэрэг жүжигчид гарах аж.  

Зургийн эх сурвалж: Disney