“Бэтмэн” кино төгс хослохыг мэдэгдсэн Роберт Паттинсон

2019-11-16 16:24:12

Жүжигчин Роберт Паттинсон “Бэтмэн” дүрийг бүтээхийн тулд маш их чармайж байгаа гэжээ. Тэрээр хамгийн нас залуу “Бэтмэн”. 

Английн “Метро” сонины өнгөрөгч 10-р сарын 23-ны өдрийн дугаарт жүжигчин Роберт Паттинсон “Бэтмэн” кинонд төгс бэлдэж байгаа тухайгаа өгүүлжээ.

Түүнээс нэгэн ярилцлагын үеэр “Бэтмэн кинонд хамгийн чухал дуу хоолойн дасгал хийсэн үү?” гэж асуусан байдаг. Тэрээр өөртөө итгэлтэйгээр “The Lighthouse” киноны жүжигчин Уиллем Дефогоос тусламж авсан” гэж хариулжээ. Улмаар тус кинонд хамт тоглож байгаа ба түүний дуу хоолойноос онгодыг авсан гэж уламжилжээ.

Паттинсон “Бэтмэн”-ий дүрд сонгогдоход түүний дүр төрх тохирохгүй гэсэн маргаан их байсан. Учир нь булчинлаг Бэтмэнээс өөр хурц ширүүн дүр төрхтэй болохоор. Үүний талаар Паттинсон “Хүчтэй, булчинлаг Бэтмэний дүрийг бүтээхийн тулд бялдаржуулах дасгал хийж эхэлсэн” гэж хэлжээ.  

Өмнө нь “Бэтмэн”-ий дүрийг жүжигчин Вэл Килмер, Жорж Клуни, Майкл Китон, Кристиан Бэйл, Бен Аффлек нар бүтээсэн байдаг. Паттисоны бүтээх шинэ “Бэтмэн”-ий дүрд шүтэн бишрэгчид нь ихээхэн найдлага тавьж байгаа.  

Харин “Бэтмэн” киног Матт Рийвес найруулжээ. Тэрээр “Бичин гарагийн дайн” киногоороо олонд танигдсан. “Бэтмэн” киноны зураг авалт 2020 оны эхээр эхэлж, нээлтээ 2021 оны 6 дугаар сард хийхээр төлөвлөөд байгаа ажээ.