“Deadpool & Wolverine”-д хүч үзэх Кассандра Нова, MCU-гийн шинэ төрлийн хорон санаатан
2024-07-23 09:11:31
“Кассандра Нова” бол “X-men” universe дэх “Чарлес Завиэр” профессорын ихэр нь юм. Тэрээр алсаас удирдах хүчирхэг чадвараар “Wolverine”-ийг маш чөлөөтэй хөдөлгөөд зогсохгүй алсаас мэдрэх онцгой чадвараар нөгөө хүнийхээ бодлыг уншиж удирддаг нэгэн ажээ.
Шон Леви найруулагч “Кассандра Нова”-ийн талаар “Тэр өөрийн доторх хорон муу санаа болон асар их хүчээ гадагшаа огт ил гаргадаггүй гэдэг нь дур татам бөгөөд үнэхээр овсгоо самбаатай нэгэн” гэжээ. Өмнө нь огт харж байгаагүй MCU-гийн шинэ төрлийн хорон санаатан төрж байгааг мэдэгдсэн нь сонирхол төрүүлж байна.
Ийнхүү Марвелын дур татам шинэ хорон санаатан “Кассандра Нова”-ийн дүрийг 78 дахь удаагийн “Алтан бөмбөрцөг”-ийн эмэгтэй шилдэг гол дүрийн шагналыг хүртэж, Холливудын ирээдүйн найдвар гэж тооцогдож байгаа Эмма Коррин бүтээжээ. Тоглосон бүтээл бүрдээ хүчирхэг жүжиглэлтийг харуулсаар ирсэн тэрээр амьдралдаа анх удаа хорон санаатны дүрийг бүтээж, өөрийн чадварыг харуулах ажээ. Түүний талаар Шон Леви найруулагч “Эмма Коррин бол үнэхээр сонирхолтой жүжигчин. Ямар ч шинэ дүрд хувирах чадвартай.” гэж магтсан байна. Энэ удаагийн бүтээлд түүний жүжиглэлт илүү их анхаарал татаж байгаа билээ.
“Deadpool & Wolverine” нь баатрын амьдралаасаа чөлөөнд гарсны дараа хуучны машины дилер хийн эгэл жирийн амьдарч байсан “Deadpool” төсөөлшгүй аюултай нүүр тулж, бүх талаар нийцдэггүй “Wolverine” дээр очиж үйл явдал өрнөх тулаант блокбастер кино юм. Райан Рейнольдс гол дүрийг дахин бүтээж, “Wolverine”-ий дүрээр Хью Жэкман нэгдэж, ширүүн тулаан төдийгүй инээд бэлэглэх ажээ.
Мөн энэ удаагийн бүтээлийг “Free guy”, “Real Steel”, “Night at the Museum” цуврал зэрэг бүтээлүүдээр гайхалтай төсөөлөх чадвар, түүндээ шингээсэн хүнлэг ёсоор хайр хүндлэл хүртээж байгаа Шон Леви найруулагч найруулж, илүү их хүлээлт үүсгээд байна.
“Deadpool & Wolverine” кино 2024 оны 07-р сарын 26-ны өдөр нээлтээ хийнэ.
