Ридли Скоттын бүтээл “Харийнхан:Ромулус” 2024 оны 8-р сард нээлтээ хийнэ

2024-07-22 10:56:58

“Харийнхан” энэ зун шинэ цувралаар эргэж ирж байна.

“Харийнхан: Ромулус” нь “Харийнхан” цувралын 7 дахь бүтээл бөгөөд тус киноны суурийг тавьсан Ридли Скотт найруулагч продюсероор, “Don’t Breathe”-ийн Феде Альварес найруулагчаар ажилласан байна. 

Олон нийтэд цацагдсан танилцуулга трэйлерт том сансрын хөлөг гарч ирэхийн зэрэгцээ анир чимээгүй болох нь сэтгэлийг түгшээнэ. Улмаар “Туслаарай. Хэн нэг нь надад туслаач дээ.” гэж хэлэх нь сэтгэлийг улам ихээр түгшээж, аажмаар орилох чимээ чангарч, үл мэдэгдэх биет хашхирч, сансрын хөлгийн дотор тал нил цус болж уур амьсгал түгшүүртэй болдог. Удалгүй “Харийнхан” цувралыг төлөөлөх дүр буюу хүний нүүрэнд наалдаж биед нь өндгөө цацдаг “Facehugger” гарч ирдэг ба түгшүүртэй үзэгдлүүд кино театрыг түгшээх ажээ. Эцэст нь “Харийнхан” гарч ирж, “Харийнхан” цувралын шүтэн бишрэгчид төдийгүй шинжлэх ухааны уран зөгнөлт аймшгийн кино хүлээдэг үзэгчдэд хүлээлт үүсгээд байна.  

“Харийнхан: Ромулус”-ийг найруулсан Феде Альваресийн найруулагч “Өмнөх ангийг нь үзсэн ч бай, үзээгүй ч бай энэ бүтээл үнэхээр сонирхолтой байх болно.” гээд тус кино нь хоорондоо салшгүй холбоотой цувралуудын нэг анги хэдий ч тусдаа түүхийг өгүүлнэ хэмээн онцолжээ. Мөн тэрээр “Харийнхан цувралыг үзээгүй хүмүүст энэхүү бүтээл нь тус цувралыг мэдэж авах анхны алхам нь болно.” гэж хэлсэн байна. 

“Харийнхан” нь 1979 онд анх олны хүртээл болж, тухайн үед гарагууд найруулга, үзэгдлээр нээлтээ хийхийн зэрэгцээ дэлхий дахинаа шуугиан тарж байсан шинжлэх ухааны уран зөгнөлт аймшгийн киноны эхлэл хийгээд киноны түүхэн дэх домогт шилдэг сод бүтээл болж байжээ.

Түүнээс хойш Жеймс Камерон найруулагчийн найруулсан “Харийнхан 2” (1986) нь 1-р ангиасаа илүү орлого олж, тус цувралыг сайжруулах алхмыг эхлүүлжээ. Түүнчлэн Дэвид Финчер найруулагчийн “Харийнхан 3” (1992), Жан-Пьер Жене найруулагчийн “Харийнхан 4” (1997) мөн адил амжилтыг дагуулж, эх зохиолын үргэлжлэл Ридли Скотт найруулагчийн “Prometheus” (2012), “Харийнхан: Ковенант” (2017) гээд цувралууд нийт 1.2 тэрбум долларын орлого олж, шинжлэх ухааны уран зөгнөлт аймшгийн киноны цувралын төлөөлөх бүтээлийнхээ хувьд нэр хүндийг нь үргэлжлүүлсээр байна.  

“Харийнхан: Ромулус” кино 2024 оны 8-р сарын 16-ны өдөр кино театруудад нээлтээ хийнэ. 

Зургийн эх сурвалж: 20th century fox