Уолт Дисней, “Фрозен 3, Тоглоомын түүх 5 зэрэг шинэ бүтээлүүдээ нэгэн зэрэг олонд дэлгэлээ.

2024-08-14 11:43:58

Уолт Дисней компани (цаашид Дисней гэнэ) өнгөрөгч амралтын өрдүүдэд “D23: The Ultimate Disney Fan Event” (цаашид D23 гэнэ)-ийг зохион байгуулж, кино, стриминг, theme park, cruise line, game зэрэг шинэ төслөө нэгэн зэрэг танилцуулжээ.

D23 бол дэлхий дахины Диснейн шүтэн бишрэгчдэд зориулж Америкийн Калифорни мужийн Анахаймд 2 жилд нэг удаа зохион байгуулдаг эвент юм. Үзэсгэлэн, шоппинг, бизнесийн болон контентын гол мэдээллийн танилцуулга, мэтгэлцээн(panel session) зэрэг Уолт Дисней компанийн гайхалтай түүх(story telling)-ийг хуваалцах, инновацийг мэдэж авах боломжтой олон төрлийн хөтөлбөрүүд зохион байгуулагддаг ажээ. D23 гэж нэрлэсэн нь Уолт Дисней Америкийн Холливуд студийг анх нээсэн 1923 оноос улбаатай аж. 

Walt Disney Animation Studios “Моана 2”, “Zootopia 2”, “Фрозен 3” гээд шүтэн бишрэгчид нь хүлээсээр ирсэн анимэйшний шинэ ангиудын нээлтийн товыг зарласан байна. Мөн “Араатны хаан арслан: Муфаса”, “Цасангоо”, “Lilo & Stitch” зэрэг уран сайхны кино бүтээх талаар танилцуулжээ. 

Pixar Animation Studios нь Disney+-ийн анхны оригнал цуврал болох “DreamWorks Animation” болон кино театруудад нээлтээ хийх “Elio”, “Тоглоомын түүх 5”, “Incredibles 2” зэрэг киног танилцуулж, шүтрэн бишрэгчдийнхээ сэтгэлийг баясгасан байна. 

Marvel Studios нь Disney+-д нээлтээ хийх “Agatha All Along”, “Daredevil: Born Again”, “Ironheart”-ийг, кино театруудад нээлтээ хийх “Captain America: Brave New World”, “The Fantastic Four: First Steps” зэрэг бүтээлүүдийг танилцуулжээ. 

Lucasfilm нь Disney+-д нээлтээ хийх шинэ оддын дайн цуврал “Skeleton Crew”, “Andor 2”-ыг, кино театруудад нээлтээ хийх “The Mandalorian & Grogu”-г танилцуулсан байна.  

Жэймс Камерон найруулагч тус эвент дээр “Аватар”-ын гурав дахь бүтээлийн нэр нь “Avatar: Fire and Ash” гэж мэдэгдэж, шуугиан тариад байна. Мөн дэлхий дахины шүтэн бишрэгчид удаан хүлээсэн “Tron: Ares”, “Freakier Friday” зэрэг кинонуудын дараагийн ангийг зарлажээ. 

Disney Entertainment, The Walt Disney Company-ийн co-chairman Алан Бергман “Энэ удаагийн D23-т ирэх хэдэн жилд үзэгчдэд итгэл төгс хүргэх гайхалтай контентуудыг танилцуулсандаа баяртай байна.” гээд “Хамт тайзан дээр гарч Диснейн шүтэн бишрэгчдэд мартагдашгүй дурсамжийг хамтдаа бүтээлцсэн бүх киноны баг, жүжигчин, уран бүтээлчдэдээ баярлалаа.” гэж сэтгэгдлээ хуваалцсан байна.

Зургийн эх сурвалж: Disney