BTS-ийн “Грэммийн шагнал”-ын үед өмссөн хувцас Грэммийн музейд

2019-11-22 02:19:47

BTS хамтлагийн “Грэммийн шагнал” гардуулах улаан хивсний ёслолд өмссөн хувцас Грэммийн музейн үзэсгэлэнд тавигдах болно. 

Грэммийн музей нь 11 сарын 20 -оос “Грэммийн шагнал гардуулах улаан хивсний ёслол” үзэсгэлэн нээхдээ BTS хамтлагийн 2019 онд уг ёслолд өмссөн хувцсыг үзэгчдэд танилцуулахаар болжээ.

BTS хамтлаг нь 61 дахь удаагийн Грэммийн шагнал гардуулах ёслолд Солонгосын дуучдаас хамгийн анх тайзан дээр гарч, Best R&B Album шагналыг H.E.R -т гардуулж өгсөн. Хамтлагийнхны энэ өдөр өмссөн хувцас Рианна, Алиша Кийз, Миранда Ламберт, Марен Моррис, Мишель Обама, Канье Вест, Эми Уайнхаус гэх мэт уран бүтээлчдийн хувцастай хамт тус үзэсгэлэнд тавигдах болно. 

Үзэсгэлэнг Лос-Анжелес хотын Грэммийн музейн 3 давхарт ирэх 20-ны өдөр нээлтээ хийн, ирэх хавар хүртэл үргэлжлэх юм.

Грэммийн шагнал нь дуу хөгжмийн салбарт онцгой амжилт гаргасан хамтлаг дуучдад олгодог бөгөөд Эмми шагнал,Тони шагнал, Оскарын шагналтай эн зэрэгцэх дуу хөгжмийн хамгийн нэр хүндтэй шагналд тооцогддог. Жил бүрийн 2 сард шагнал гардуулах ёслол болж шилдэг уран бүтээлчдийн үзүүлбэр болон жилийн шилдэг уран бүтээлчдийг шалгаруулдаг.  

Зургийн эх сурвалж: Big Hit Entertainment