BTS, Грэммийн шагналд нэр дэвшиж чадсангүй
2019-11-24 02:03:29
BTS хамтлаг Грэммийн шагналын босгыг хараахан давсангүй.
Грэммийн шагналыг зохион байгуулдаг Америкийн дуу бичлэгийн академи(NARAS) 11 сарын 20-нд дуучин Алиша Кийзээр хөтлүүлэн 62 дахь удаагийн Грэммийн шагнал(Grammy Awards)-ын 84 ангиллын нэр дэвшигчдийг зарлалаа.
BTS хамтлаг Best pop Best Pop Duo/Group Performance, The Best new artist ангилалд нэр дэвших магадлалтай гэж яригдаж байсан боловч энэ удаад ч нэр дэвшсэнгүй.
BTS хамтлагийн 4 сараас борлуулагдаж эхэлсэн Map of the Soul: Persona цомог Billboard-ын үндсэн цомгийн жагсаалт Billboard 200-д тэргүүлж, 1 жил 2 сар үргэлжилсэн дэлхийг тойрон тоглолтоороо нийт 2 сая гаруй шүтэн бишрэгчдээ баярлуулсан бөгөөд, Грэммийн шагналд нэр дэвших магадлалтай гэж яригдаж байсан билээ.
Ялангуяа 61 дэх удаагийн Грэммийн шагналд Best R&B Album шагналыг гардуулахад дэмжигчид нь ихэд найдлага тавьж байсан боловч ийнхүү нэр дэвшиж чадсангүй.
Зарим хэвлэл мэдээллээр Грэммийн шагналыг албан ёсны англи хэлтний орон биш бол тухайн орны хип хоп дуучин, бүжигчнийг барагтай бол оруулдаггүй хэмээн BTS хамтлагийг нэр дэвшүүлэх арай болоогүй гэж үзэж байв.
Billboard-ын үндсэн цомгийн жагсаалтийг тэргүүлсэн ч гэсэн Hot 100-д 8-р байрнаас дээшээ гараагүй нь нөлөөлсөн байж болох юм.
Америкийн поп дууны 3 том шагналын хоёрыг нь авсан хамтлаг учраас цаашид ч Грэммид өрсөлдөхийн төлөө хичээх нь тодорхой.
Америкийн дуу хөгжмийн салбарт оролцогчдын цар хүрээ, нэр хүндээрээ дээгүүр ордог Грэммийн шагнал хамтлаг дуучдын олны талархал хүлээснээс илүү урлагийн чанар чансааг нь анхаардгаараа онцлог ажээ.
Америкийн томоохон мэдээллийн сайт Rollingstone “BTS хамтлаг Грэммийн шагналд багтсангүй” гэж гарчигласан мэдээ нийтэлж Америкийн поп оддоос илүү олон цомог борлуулж том амжилт гаргасан BTS хамтлагийг нэр дэвшүүлээгүй нь Грэммийн шагналыг зохион байгуулагчдыг цаг үеэсээ хоцорсныг харуулж байна гэж дүгнэжээ.
Rollingstone “4 сараас борлуулагдаж байгаа BTS хамтлагийн цомог Бионсегийн цомгоос сайн борлуулагдаж асар богино хугацаанд Billboard-ын жагсаалтыг тэргүүлснээрээ ч Битлзээс хойш байгаагүй амжилт гаргасан хамтлаг шүү дээ гээд, ийм хамтлагийг нэр дэвшүүлээгүй нь цомгийн үйлдвэрлэлийн бодит байдлыг үл хайхарч байгаатай адил гэсэн байна.
Түүнчлэн “Грэммийн шагнал хуучин зангаа тавиагүй байна.”, “Дэлхийн дайтай сэтгэх цаг нь болсон л баймаар юм.” гэж егөөджээ.
Грэммийн шагнал-2020 он гараад 1 сарын 26-нд Лос-Анжелесын Staples Center төвд болно.
<Зургийн эх сурвалж: Big Hit Entertainment>
