NCT127 хамтлаг Мэйсигийн Талархлын баярын парадад оролцжээ
2019-12-07 04:43:11
Солонгосын хөвгүүдийн хамтлаг NCT127 Талархлын баярын Мэйсигийн парадад оролцож 3.5 сая хүний өмнө ая дуугаа өргөжээ.
Хамтлагийн харьяалагддаг SM Entertainment-ийн мэдээлснээр NCT127 хамтлаг 11 сарын 28-нд Нью-Йорк хотын төвд болсон тус баярын үеэр "Highway to Heaven" дуугаа дуулжээ.
Мэйсигийн парадыг Америкийн Мэйсис брэндээс зохион байгуулдаг бөгөөд, Талархлын баярт зориулсан энэ наадмаар дэлхийн одод, хамтлагууд парадын машинаар зорчиж Нью-Йорк хотоор явдаг.
NCT127 хамтлаг легогоор чимэглэсэн машинд сууж хотын иргэдтэй мэндчилсэн ажээ.
Тоглолтын үеэр зарим гишүүн нь хэсэг зуур машинаас бууж иргэдэд ойртон очиж дуугаа дуулсан байна. Харин тоглолт дуусахад иргэд алга ташилтаар хариу барьжээ.
Celine Dion, The Black Eyed Peas, Ciara, Idina Menzel нар ч ая дуугаа өргөжээ.
Парадад бөмбөлөгтэй баг, тоглолтын баг, хөгжимчид гээд арван мянгаад хүн Манхэттенээс Сентрал Парк хүртэл 4км орчим зайд явсан байна.
Парадыг Америкийн NBC, Youtube шууд нэвтрүүлгээр 50 сая орчим хүн үзжээ.
<Зургийн эх сурваж : SM Entertainment>
