Жүжигчин Адам Драйвер “Кайло Рен”-ий дүрээр эргэн ирнэ

2019-12-09 15:32:25

Адам Драйвер бол өвөрмөц төрх, өндөр нуруу, сэтгэл татам дуу хоолойтой жүжигчин. 2012 онд “Not Waving But Drowning” кинонд тоглож гарч ирсэн тэрээр Мартин Скорсезе найруулагчийн “Silence”, Жим Жармуш найруулагчийн “Paterson”, Стивен Спилберг найруулагчийн “Lincoln” зэрэг кино ертөнцийн урдаа барьдаг уран бүтээлчдийн хараанд өртөж, Холливудад од болон гарч ирсэн. 

Тэрээр энэ өвөл "Оддын Дайн: Скайуокерын Сэргэн Мандалт" цуврал үзэгчдэд хүрснээр Бокс Оффист багтах болно. “Оддын дайн”-ы шинэчилсэн цувралын сүүлчийн анги болох Оддын Дайн: Скайуокерын Сэргэн Мандалт -д харанхуйг ноёрхогч Кайло Рен(Адам Драйвер), түүнтэй шинээр тулалдах Рей(Дэйзи Ридли) -ийн хооронд ширүүн тулаан болж, тус тулаан дуусгавар болно.  

“ОДДЫН ДАЙН: ХҮЧ СЭРГЭСЭН НЬ” цувралыг найруулсан Ж.Ж.Абрамс найруулагч дахин найруулах болсон нь үнэнч шүтэн бишрэгчдэд өндөр хүлээлтийг үүсгээд байна. 2015 онд “ОДДЫН ДАЙН: ХҮЧ СЭРГЭСЭН НЬ”-аар эхэлсэн “Оддын дайн”-ы шинэчилсэн цуврал тухайн үед Бокс Оффисийн 1-т бичигдэж, түүхэнд шилдэг танилцуулга(opening score)-тай кино болж, нэр төр нь мөн чанартайгаа тохирох “Оддын дайн”-ы франчайзийн нөлөөг бодитоор мэдрүүлсэн. Гуравласан зохиолын сүүлчийн анги Оддын Дайн: Скайуокерын Сэргэн Мандалт цуврал “Авержерс”-ийн тогтоогоод байгаа Бокс Оффисийн рекордыг эвдэнэ хэмээн үзэж байна. 

Адам Драйверийн бүтээсэн Кайло Рен дүр бол “Оддын дайн” цувралын хамгийн нэр хүндтэй байсан Дарт Вейдер -ийн дараа орох хорон санаатан. Тэрээр Хан Соло, Лэиа гүнжийн хүү боловч харанхуйн урхинд орж хорон нэгэн болдог. Кайло Ренийг Дарт Вейдертэй харьцуулахад бүрэн төгс болоогүй хорон санаатан хэдий ч, Адам Драйвер тус дүрийг илүү бодит, нууцлагдмал байдлаар бүтээн олны талархал хүртээд байна. 

Кайло Рен тус цувралын сүүлчийн ангид өмнөх ангиас илүү хүчтэй болсон байна. Оддын Дайн: Скайуокерын Сэргэн Мандалт кино 12 дугаар сарын 20-ны өдөр нээлтээ хийнэ.