“Matrix 4”, “John Wick 4” кинонуудын нээлт нэг өдөр, Киану Ривз өөрөө өөртэйгөө өрсөлдөх нь ээ
2019-12-21 21:31:18
Жүжигчин Киану Ривзийн тоглосон “Matrix 4”, “John Wick 4” кино нэг өдөр кинотеатруудад гарах магадлал өндөр байна.
12 дугаар сарын 11-ний өдөр Америкийн “Варнер Брос” компани “Matrix 4”(найруулагч Лана Вачовски) киноны нээлтийн өдрийг 2021 оны 5 дугаар сарын 21-ний өдөр гэж зарлав. Өнгөрөгч 5 дугаар сард “John Wick” цувралыг бүтээгч “Лайонсгейт” компани “John Wick 4” киног бүтээхээр болсноо албан ёсоор зарласан бөгөөд 2021 оны 5 дугаар сарын 21-ний өдөр нээлтээ хийнэ хэмээн мэдэгджээ. Киану Ривзийг шилдэг од болгосон “Matrix” цуврал, түүний дараах мандан бадрах үеийг авчирсан “John Wick 4” цувралыг нэг өдөр хүлээн авч үзэх ажээ.
“Matrix”(найруулагч Лилли Вачовски, Лана Вачовски) 1999 онд анх үзэгчдийн хүртээл болж, олны сонирхлыг маш ихээр татсан. Хүн, техник, хиймэл оюун ухаан гээд цоо шинэ түүх хийгээд тулалдааныг өгүүлснээр өнөөг хүртэл яригдаж байгаа алдартай бүтээлийн нэг болж чаджээ.
Түүнээс хойш “Matrix” цуврал 2003 онд “The Matrix Reloaded”, “The Matrix Revolutions” хоёр улсын хамтран бүтээсэн “Animatrix” кинонууд бүтээгдсэн байна. “Matrix”-д Нео(Киану Ривз)-ийн ухаарлын талаар гардаг бол “Matrix 2, 3”-д хүн болон хиймэл оюун ухааны тулааныг харуулдаг.
Нэгдүгээр анги бүтээгдсэнээс 20 жилийн дараа эргэн ирж байгаа “Matrix 4” киноны Неогийн дүрийг Киану Ривз, Тринитигийн дүрийг Кэрри-Энн Мосс бүтээхээр болсон нь шүтэн бишрэгчдийг нь догдлуулаад байна.
“John Wick” цувралын хувьд 2015 онд анх олны хүртээл болсон “John Wick”(Дэвид Литч, Чад Стахельски) бүтээгдэж, 2017 онд “John Wick Reload”(Чад Стахельски), 2019 онд “John Wick 3: Parabellum” бүтээгджээ.
Кино бол түүхийг энгийнээр ойлгуулж, киноны турш сэтгэл эмзэглүүлсэн тулалдааныг харуулсаар үзэгчдийг өөртөө татдаг. Гайхалтай тулааны ачаар “John Wick” цуврал дахь аллагууд шуугиан тарьж, “John Wick”-д 77, “John Chapter 2”-д 128, “John Wick 3: Parabellum”-д 85 аллага гээд өнөөг хүртэл нийт 280 аллага гарчээ.
“Matrix” цувралын 1-р анги дэлхий дахинаас 465,340,000 доллар, 2-р анги нь 741,840,000 доллар, 3-р анги нь 427,340,000 доллар, нийт 1,634,520,000 долларын орлого олжээ.
Харин “John Wick” цувралын 1-р анги 86,010,000 доллар, 2-р анги нь 171,540,000 доллар, 3-р анги нь 326,700,000 доллар, нийт 584,250,000 долларын орлого олсон байна.
“Варнер Брос” компани 2021 оны 6-р сард “Batman”, 7-р сард “Space Jam 2”, 8-р сард “The Suicide Squad 2” кинонуудыг олны хүртээл болгохоор ажиллаж байгаа тул “Matrix 4” киноны нээлтийн өдөр өөрчлөгдөх магадлал тун бага байна.
Харин “Лайонсгейт” компани “John Wick 4” кинонд гол анхаарлаа хандуулж байгаа тул нээлтийн өдөр өөрчлөгдөх магадлал харьцангуй өндөр байна.
Орлогын хувьд “Matrix” цуврал илүү их орлого олсон хэдий ч, “John Wick” цуврал ч бас Киану Ривзийн бусдыг өөртөө татах увдисаар хайр хүндлэл олсон шиг 2021 оны 5 дугаар сард Киану Ривз хоорондын орлогын төлөөх өрсөлдөөнийг хүлээх л үлдлээ.
