Red Velvet: Psycho дуу маань тэргүүлж байгаад маш баяртай байна

2019-12-27 15:47:02

"Red Velvet" хамтлаг 12 сарын 23-ны 18 цагт "The ReVe Festival Finale" цомгоо шинэчилж гаргаж байгаагаа зарлав. Оны отгон энэ цомог зарлагдсаныхаа дараахан цомгийн жагсаалтыг тэргүүлээд зогсохгүй, олон орны фэнүүд нь ч ихээхэн талархан хүлээж авч байна.

Red Velvet-ийн шинэ дуу Psycho 12 сарын 24-ний 13 цагийн байдлаар, Өмнөд Солонгосын цомгийн хамгийн том сайт Melon-д тэргүүлж байна.

Red Velvet хамтлагийнхан “Энэ жил The ReVe Festival Finale цомгоороо багагүй шинэ санаа хүргэж, фэнүүдтэйгээ ч ойр ойрхон уулзсандаа баяртай байна. Баяр наадмын төгсгөлд зориулсан цомог. Хүмүүс их сайхан хүлээж авсанд маш их баярлаж байна. Үнэндээ нэг их найдаагүй.” гэж сэтгэгдлээ хэлжээ.

Red Velvet-ийн шинэ цомог дэлхийн зах зээлд ч дээгүүр байр эзлэх төлөвтэй. Энэ цомог Америк, Канад, Мексик, Бразил, Аргентин, Чили, Перу, Доминик, Панам, Костарика, Эль Сальвадор, Белиз, Швед, Польш, Португали, Финланд, Норвеги, Литва, Орос, Румын, Украин, Турк, Арабын Эмират, Египет, Саудын Араб, Оман, Бахрейн, Сингапур, Хонконг, Тайвань, Малайз, Тайланд, Энэтхэг, Камбож, Казахстан, Филиппин, Вьетнам, Шриланка, Бруней улсын I tunes top album жагсаалтыг бас тэргүүлж явна.

Мөн шинэ дуу Psycho нь Хятадын дуу хөгжмийн хамгийн том сайт QQ music-ийн Music video жагсаалтад нэгдсэн дүнгээр эхний байр эзэлж, Red Velvet хамтлагийнхныг дэлхий даяараа талархан хүлээж авч байна.

Улаан фэнүүдтэй, дуу хоолой нь чадалтай, өсөж яваа Red Velvet хамтлаг цаашид ямар амжилт гаргах бол хүсэн хүлээн сууцгаая.