42 жилийн аяллаа дуусгасан “Оддын Дайн”
2019-12-31 22:10:05
“Оддын Дайн” цуврал кино туйлын амжилтыг авчирсан бүтээл. 1977 онд “Star Wars: Episode IV - A New Hope” киногоор эхэлж “Star Wars: Episode V - The Empire Strikes Back”(1980), “Star Wars: Episode VI - Return Of The Jedi”(1983) гэж үргэлжилсээр анхны цувралд Жедай болж хөгжин дэвшсэн Люк Скайуокер Ситийн эзэнт гүрэн, Дарт Вейдер-тэй тулалддаг тухай өгүүлдэг.
Маш их амжилтыг авчирсан “Оддын Дайн” цуврал 1999 онд өмнөх үйл явдлыг харуулсан киногоор эргэн иржээ. “Оддын Дайн” киног үргэлжлүүлэн найруулсан Жорж Лукас “Star Wars: Episode I- The Phantom Menace”(1999), “Star Wars: Episode II – Attack of the Clones”, “Star Wars: Episode III – Revenge of the Sith”(2005) кинонд өнгөрсөн үе рүү явж, Люк Скайуокерийн аав Анакин Скайуокер болон Жедайн армийн сүйрэл, Дарт Вейдер төрөн гарч байгаа тухай өгүүлдэг.
Өмнөх үйл явдлыг харуулсан цуврал гарснаас 10 жилийн дараа буюу 2015 онд дараах үеийг харуулсан “Star Wars: Episode VII – The Force Awakens” кино нээлтээ хийжээ. Уг кинонд анхны цувралаас 30 жилийн дараа босогчдын армийг залгамжилсан эсэргүүцэгчдийн арми, эзэнт гүрний үлдэгсэд болох “First Order” хооронд өрнөх дайны тухай өгүүлдэг. “Star Wars: The Force Awakens” тухайн үедээ “Титаник”(1999), “Аватар”(2007)-ын дараа дэлхий дахинаас 2 тэрбум долларын орлого(Бокс Оффис Можо-ийн үзүүлэлт) олсон 3 дахь бүтээл болж чаджээ. “Star Wars: The Last Jedi”(2017), саяхан нээлтээ хийсэн “Star Wars: The Rise of Skywalker” киногоор “Оддын Дайн” цувралын түүх дууссан боловч “Дисней” компани 2022 онд шинэ “Оддын Дайн” цувралыг хийхээр төлөвлөж байгаа бөгөөд цаашдын амьдралыг нь үргэлжлүүлэх аж.
Кинотеатруудаар гарч байгаа “Оддын Дайн: Скайуокерын Сэргэн Мандалт” кинонд Жедайн арми, Ситийн эзэнт гүрний сүүлчийн тулааны тухай өгүүлэх ажээ.
