Райан Рейнольдс: Дэдпүл 3, Марвелтай хийхээр боллоо

2020-01-02 22:30:02

Дэдпүл цуврал 20-р зуун Фоксоос Марвел руу шилжлээ.

Райан Рейнольдс 12 сарын 24-нд Америкийн ABC телевизийн өглөөний ярилцлага "Live! With Kelly & Ryan" нэвтрүүлэгт оролцож "Киног Марвел хэмээх том лиг хийж байна. Бид кино багаараа бүрэн бүрэлдэхүүнээрээ тэдэнтэй хамтран ажиллаж байгаа. Үнэхээр гайхалтай” гэжээ. 

Райан Рейнольдс Дэдпүл 3 киноны талаар дэлгэрэнгүй яриагүй боловч Марвел студи хийж байгаа нь үзэгчдийн хошуурах нэг шалтгаан болно гэж таамаглаж болохоор байна.  

Урьд нь Дэдпүл кино нь "Икс- Хүмүүс" -тэй адил 20-р зуун Фоксын бүтээл байсан билээ. MCU-г авсан Дисней 2018 онд 20-р зуун Фоксыг бас авч, Марвелтай хамтрах болсон юм. 

Мөн кино зохиолч Пол Верник нэгэн ярилцлагадаа Дэдпүл 3 бас R зэрэглэл буюу 17 наснаас дээш настнууд үзэж болох ангиллынх гэж хэлжээ. 

Иймд цус үсчүүлсэн тулааны хажуугаар томчуудын наргиа сонсогддог Дэдпүлийн онцлог хэвээрээ байх нь ээ.  

Одоогийн байдлаар Дэдпүл 3 киноны нээлт хараахан тодорхойгүй байна.