“Бэтмэн” Кристиан Бэйл, “Марвел”-ийн кинонд тоглохоор болсон уу?
2020-01-08 17:41:49
1-р сарын 6-ны өдөр Америкийн “Collider” сайт Кристиан Бэйл “Thor: Love and Thunder” кинонд тоглох талаар ярилцаж байгаа гэж нийтэлжээ. Тэрээр Кристофер Нолан найруулагчийн “Бэтмэн” цувралд Бэтмэний дүрийг бүтээж байсан. DC Бэтмэний бэлгэдэл байсан тэрээр “Марвел”-ийн кинонд тоглох эсэхээ судалж байгаа гэнэ.
Кристиан Бэйл “Thor: Love and Thunder” кинонд ямар дүр бүтээх нь одоогоор тодорхойгүй байгаа ажээ. Шүтэн бишрэгчид нь түүнийг Beta-Ray Bill, Dario Agger, Balder the Brave, Gorr the God Butcher зэрэг дүрүүдийн аль нэгийг бүтээнэ гэж таамаглаж байна.
“Thor: Love and Thunder” киног найруулахаар болсон Тайка Вайтити найруулагч киноны зураг авалт ирэх 8-р сард Австралид эхэлнэ гэж мэдэгджээ.
Тэрээр “Thor: Love and Thunder кинонд хоёр Тор гарна. Нэг нь Натали Портман. Нөгөө нь анхны Тор болох Крис Хемсворт. Натали Портман эмэгтэй Тор биш, харин комиксийн Mighty Thor юм.” гэж тайлбарласан байна.
Тайка Вайтитигийн найруулсан “Thor: Ragnarok” кино дэлхий дахинаас 854 сая долларын орлого олсон байдаг.
“Thor: Love and Thunder” кино 2021 оны 11-р сард нээлтээ хийнэ.
