“Дүлитл эмчийн аялал” Роберт Дауни Жуниор, “Төмөр хүн”-ий хослолоо тайлж дахин дэлгэцнээ
2020-01-11 15:39:31
Олон амьтдын уран сэтгэмжийн зохиомжоор 2020 оныг нээх анхны уран зөгнөлт, адал явдалт “Дүлитл эмчийн аялал” кино тун удахгүй кинотеатруудад гарах нь ээ.
Сэтгэл сэргээм сонирхолтой, адал явдлаар 101 минут үргэлжлэх уран сэтгэмжит “Дүлитл эмчийн аялал” кино нь яг амьтадтай ярилцах мэт аз жаргалтай мэдрэмжийг үзэгчдэд киноны турш төрүүлэх аж.
Роберт Дауни Жуниор “Авенжерс” цувралд тоглож байх үеэс эхлэн тус киноны продюсероор ажиллаж өөрөө гол дүрд нь тоглож, удаан хугацааны турш бэлдэж уг бүтээлийг олон нийтийн хүртээл болгоход бэлэн болгоод байна. Холливудыг төлөөлөх продюсеруудын нэг болох түүний эхнэр Сьюзан Дауни болон “Team Downey” тус бүтээлд бүх зүрх сэтгэлээ зориулан ажилласан бөгөөд амьтдын дууг оруулахад дэлхийн шилдэг жүжигчид мөн адил бүх хүчээ дайчилсан байна.
“Дүлитл эмчийн аялал” кино 1 дүгээр сарын 17-нд нээлтээ хийнэ.
