“Биелэгдэшгүй Даалгавар 7, 8” кинонд Николас Холт, Том Крузтай гар нийлж ажиллана…
2020-01-13 17:00:02
Жүжигчин Николас Холт “Биелэгдэшгүй Даалгавар” цувралд тоглохоор болжээ.
Америкийн Variety сайтад мэдээлснээр Николас Холт “Биелэгдэшгүй Даалгавар 7, 8” кинонуудад эсрэг дүр бүтээх ажээ. Том Круз энэ киноны тагнуулын ажилтан Итан Хантын дүрд тоглодог.
Николас Холт “Галзуу Макс: Хилэнт зам”, “Икс хүмүүс: Ирээдүйд өнгөрсөн өдрүүд”, “Икс хүмүүс:Төгсгөл”, “Warm Bodies” дүрүүдээрээ олны танил болсон билээ. “Биелэгдэшгүй Даалгавар” киноны дараагийн ангид Николас Холтоос гадна “Галактикийн Хамгаалагчид” киноны Мантисийн дүрийг бүтээсэн Пом Клементьефф, “Ахмад Америк: Анхны Өшөө Авагч” киноны Пегги Картерт буюу жүжигчин Хейли Этвелл нар тоглохоор болж байгаа юм байна.
“Биелэгдэшгүй Даалгавар 5”(2015), “Биелэгдэшгүй Даалгавар 6”(2018) ангиудын найруулагч Кристофер Маккуорри 2021, 2022 онд нээлтээ хийх “Биелэгдэшгүй Даалгавар 7, 8” ангиудын найруулагч, зохиолчоор ажиллана.
Биелэгдэшгүй Даалгавар киноны шинэ хоёр анги 2021 оны 7 сард, 2022 оны 8 сард тус тус нээлтээ хийнэ.
