Марго Робби “Жокертой харьцуулбал илүү эрч хүчтэй.”
2020-01-23 22:37:35
“Махчин Шувууд: Харли Квиннийн Гайхамшигт Эрх Чөлөө” кино Жокероос салж эрх чөлөөтэй болсон Харли Квинн гэмт хэрэгтнүүдтэй тэмцэлдэж, Готам хотын баатар эмэгтэйчүүдийн багийг байгуулах тухай өгүүлэх соло кино юм. “DC Comics”-ийн 2020 оны анхны бүтээл бөгөөд өөрчлөгдсөн “DC Comics”-ийн шинэ үсрэлтийг харуулах бүтээлээр “Wonder Woman”, “Aquaman”, “Joker” кинонуудыг залгуулан дахин их орлоготой байх хүлээлтийг үүсгээд байна.
Жүжигчин Марго Робби Харли Квинний дүрийг бүтээж, илүү эрч хүчтэй, гоёмсог байдлыг харуулах ажээ. Мөн тэрээр тус кинонд продюсероор ажиллана. Марго Робби “Жокер кино нь илүү амьдралд ойр нийгмийн шинжтэй бол манай кино нь илүү сэтгэл догдлуулам эрч хүчтэй” гэж тайлбарлаж хүлээлт их үүсгээд байна.
Гэмт хэрэгтнүүдийг зогсоох Хантрэсс дүрийг бүтээсэн Мэри Элизабет Уинстэд сүүлийн үеийн “Gemini Man”, “10 Cloverfield Lane”, “Die Hard”, “Death Proof”, “Factory Girl” зэрэг кинонуудад тоглосон. Хүчтэй дуу хоолойтой Блэк Канарийн дүрийг бүтээсэн Жорни Смоллетт-Белл “Underground”, “True Blood” зэрэг олон ангит киногоороо олонд танигдсан тэрээр тус кинонд тоглосон ажээ.
Готам хотын ялзарсан цагдаагийн байгууллагыг жигших Монтояа мөрдөгчийн дүрийг бүтээсэн Рози Перес “Fearless” киногоор “Academy Awards”-ийн шилдэг эмэгтэй туслах дүрд нэр дэвшиж байсан ба “Берлин”-ий кино наадмаас шилдэг эмэгтэй гол дүрийн шагналыг хүртэж байсан чадварлаг жүжигчин хийгээд тэмцэгч юм. Кассандрагийн дүрийг бүтээсэн Елла Жэй Баско Солонгос гаралтай жүжигчин бөгөөд “Grey’s Anatomy”, “Veep” зэрэг олон ангит кинонд тоглосон дуучин, дуу зохиогч авьяастай нэгэн аж.
Тус киноны найруулагч Кэти Янь хятад гаралтай найруулагч бөгөөд “DC Films”-ийн анхны Ази гаралтай эмэгтэй найруулагч. 2018 оны “The Sundance Film Festival”-аас “Special Jury Award for ensemble acting” шагналыг хүртсэн нь чадвартай нэгэн хэмээн хүлээн зөвшөөрөгдөж тус кинонд найруулагчаар сонгогджээ.
“Махчин Шувууд: Харли Квиннийн Гайхамшигт Эрх Чөлөө” кинонд “John Wick” цувралын Чад Стахелски найруулагч хамтарч, харанхуйн бэлгэдэл Готам хотыг өнгө алаглуулан дүрсэлсэн аж. Мөн хүчтэй тулалдаан дээр сонирхол татсан OST-оор туйлын зохицлыг харуулж байна.
2-р сарын 7-ны өдөр нээлтээ хийх болно.
Зургийн эх сурвалж: Warner bros
