“Галзуу Хурд 9: Хурдны Домог” кинонд Хан...

2020-02-10 14:00:04

Дэлхийн дахинаа хүлээлт үүсгээд байсан тулаант блокбастер “Галзуу Хурд” цувралын 9-р анги “Галзуу Хурд 9: Хурдны Домог” киноны трэйлер цацагдсан. 

“Галзуу Хурд 9: Хурдны Домог” кинонд өмнө нь амиа алдсан Хан(Сон Кан) болон “Галзуу Хурд” цувралын төгс гэр бүл мэт болсон анхны гишүүд гарах ажээ.  

“Галзуу Хурд 9: Хурдны Домог” кинонд тэтгэвэрт гарсан Доминик(Вин Дизель) эхнэр Летти(Мишель Родригес)-тэйгээ хамт цагийг аз жаргалтай өнгөрүүлж байтал шинээр хорт этгээд Жэйкоб(Жон Сена) гарч ирэн тэмцэлддэг тухай өгүүлдэг. Өмнө нь амиа алдсан Хан(Сон Кан) дахин гарч ирж байгаа нь шуугиан тарж байна. Олон нийт “#JusticeForHan” гэсэн hashtag-тэй постыг нийгмийн сүлжээнд оруулж, эргэн ирсэнд нь нааштай байгаагаа харуулж байна. 

2020 оны 1-р сарын 31-нд “Галзуу Хурд 9: Хурдны Домог” киноны найруулагч Жастин Лин Америкийн “Энтертайнмент Вийкли”-д өгсөн ярилцлагадаа Хан яагаад дахин ирж байгаа шалтгааныг дурдсан байна. Тэрээр “Хан гэдэг дүр нууцлаг дотно мэдрэмжтэй. Үзэгчидтэй ойлголцох нь чухал гэж бодсон учраас Хантай хамт дахин аялалд гарахаар шийдсэн. Бүх зүйлд учир шалтгаан байдаг гэдэгт итгэдэг. Түүнийг дахин ирүүлэх шийдвэр гаргахад амаргүй байсан.” гэж мэдэгджээ. 

Хан бол “Галзуу Хурд” цувралд гэмт хэрэгтний бүлэглэлийн гишүүн байсны шийтгэлээ үүрээд хэсүүчлэн тэнэдэг жолоочийн дүрийг бүтээсэн. Түүний гадаад төрх хүйтэн хөндий харагддаг боловч тэрээр хүнлэг байдлыг харуулснаар нэр хүндийг олсон дүр билээ. “Галзуу Хурд: Токио Дрифт”(Найруулагч Жастин Лин)-д хайртай амраг Жизель Харабо(Галь Гадот)-тай хамт хайрын түүхийг бүтээсэн. Тэрээр “Галзуу Хурд: Токио Дрифт”-д машины дэлбэрэлтээр амиа алдаж, харамсалтайгаар төгсгөжээ. 

Ханаас гадна “Галзуу Хурд” цувралыг хариуцлагатайгаар бүтээлцэж ирсэн анхны жүжигчид эргэн ирнэ. Доминик(Вин Дизель)-ийн эхнэр Летти(Мишель Родригес) болон олон талын авьяас чадвартай Роман Пирс(Тайриз Гибсон), Теж Паркер(Лудакрис) нар тус ангид тоглосон байна.

Роман Пирс “Галзуу Хурд 2”-т гэмт хэрэгтний амьдралаас салахын тулд удаан нөхөрлөсөн анд Брайнтай хамт гэмт хэрэгтнүүдийг баривчилдаг нэгний дүрийг анх бүтээсэн бол Теж Паркер мөн ангид Майамигийн бүс нутагт болдог машины уралдааныг удирдан явуулдаг зохион байгуулагчийн дүрийг бүтээжээ. Тэд ийнхүү “Галзуу Хурд” цувралд найзлан нөхөрлөж Доминикт тусалдаг чухал хүмүүс болов. Тэдний хөгжилтэй яриа “Галзуу Хурд” цувралын гол үйл явдлын нэг болжээ.     

Харин энэ удаагийн ангид Жон Сена Доминикийн дүү “Жэйкоб”-ийн дүрийг бүтээсэн ба хүчтэй нэгэн гэдгээ харуулна. Өмнөх ангид алан хядах бүлэглэлийн удирдагч “Сайфер”-ийн дүрийг бүтээсэн Шарлиз Терон Жэйкобын зохиосон арга мэхэнд хүч нэмж, Доминикийг устгахын тулд ямар ч арга зам, багаж хэрэгсэлийг бүтээгч агуу хорон санаат нэгний дүрийг бүтээжээ.   

Тус кино 5-р сарын 22-нд нээлтээ хийнэ.