“Big Bang” хамтлагийн Топ согтуугаар шууд нэвтрүүлэг хийж...

2020-02-12 17:29:41

Топ өнгөрөгч 7-ны өдөр инстаграм(Instagram)-д шууд нэвтрүүлэг(live) хийн шүтэн бишрэгчидтэйгээ ярилцаж сэтгэлээ уудалжээ. Тэрээр гартаа хундага барин нэвтрүүлгээ явуулж байсан ба хэл ам нь ээдэрч, сэтгэл нь хөдөлсөн байдал зэргээс харахад согтуу байсан бололтой.

Өөрт нь гэнэт ихээр анхаарал хандуулж байгаад гомдоллов. Тэрээр “Солонгосын урлагийн ертөнцөд дахин хөл тавихгүй. Дахин хөл тавихыг хүсэхгүй байна.”, “Ингээд хэлэхээр дахиад л нийтлэл гарах тул намайг хажуугаас битгий гээд байгаа. Ямар ч бодлогогүй хүн гуай, нийтлэл битгий бичээрэй” гэж хэлжээ. 

Сүүлийн үеийн нөхцөл байдлыг нь асуусан шүтэн бишрэгчдийнхээ асуултад “Сүүлийн үед дуу хийж байгаа.” гээд “Хүмүүс үнэхээр өөдгүй. Хүн хүнээ хайрлая.” гэж хэлсэн байна.

Тэрээр дүрс бичлэгт урт үстэй, туранхай байсан нь хүмүүсийн анхаарлыг татсан байна. Шууд нэвтрүүлэг хийсэн шалтгаанаа “Зүгээр ингээд ч боловч өөрийгөө харуулахыг хүссэн юм. Намайг яаж амьдарч байгааг хүмүүс мэдэхгүй учир харуулахыг хүссэн. Зүгээр л харуулахыг хүссэн” гэж хэлжээ.

“Big Bang” хамтлаг 4-р сарын 10-ны өдөр Америкийн Калифорни мужийн Индио хотод зохион байгуулагдах “Coachella Valley Music and Art Festival”-д оролцох ажээ.