Билли Айлишийн дуулсан “007: Үхэх ч завгүй” киноны дуу шуугиан тарьж байна.

2020-02-27 11:34:55

Грэммигийн шагналт дуучин Билли Айлиш үгийг нь бичиж дуулсан “007: Үхэх ч завгүй” киноны дуу олны хүртээл болов. 

Тэрээр энэ жил 18 настай бөгөөд Жэймс Бонд киноны дууны үгийг бичиж дуулсан нь түүхэн дэх хамгийн залуу уран бүтээлч болоод байна. Тус киноны дуунд Билли Айлишийн өвөрмөц содон хоолой нь киноны нүсэр уур амьсгалд тусгалаа олсон гэлтэй.

Билли Айлиш 2-р сарын 18-нд Лондон хотод зохион байгуулагдсан Английн хөгжмийн ертөнцийн “BRIT Awards” шагнал гардуулах ёслолын үеэр үгийг нь бичиж, дуу бичүүлэхэд нь тусалсан төрсөн ах Финнеас О’Коннеллтой хамт “Үхэх ч завгүй” киноны дууг анх олны хүртээл болгож шуугиан тарив. Ялангуяа түүний онцгой зочин хөгжмийн продюсер Ханс Циммерийн найрал хөгжмийн аялгуу, Жонни Маррын цахилгаан гитарын гоцлол гээд үнэхээр гайхалтай байжээ. 

Билли Айлиш 2016 оны “Soundcloud”-д анх удаа “Ocean Eyes” дуугаа оруулж дуучны карьераа эхлүүлсэн бөгөөд түүнээс хойш “EP” цомог “Don’t Smile at Me”, албан ёсны анхны цомог “When We All Fall Asleep8 Where Do We Go”-ийг худалдаанд гаргажээ.    

Тэрээр 1-р сарын 26-нд Америкийн Лос-Анжелес хотын “Staples Center”-т зохион байгуулагдсан “Grammy” наадмын 62 дахь удаагийн шагнал гардуулах ёслолын үеэр “Шилдэг шинэ уран бүтээлч”, “Шилдэг дуу”, “Шилдэг цомог”, “Шилдэг бичлэг” зэрэг шагнал хүртжээ. Тус наадмын дөрвөн шагналыг 1981 онд Кристофер Кросс авснаас 39 жилийн дараа ийнхүү хүртэж байгаа аж.  

“007: Үхэх ч завгүй” кино 4-р сард нээлтээ хийнэ.