“007: Үхэх Ч Завгүй” кино 11-р сард нээлтээ хийнэ
2020-03-11 13:15:02
4-р сарын 10-ны өдөр нээлтээ хийхээр төлөвлөж байсан “007: Үхэх ч завгүй” кино шинэ төрлийн коронавирус(COVID-19) дэлхий дахинаа хурдацтай тархаж байгаа тул нээлтээ хойшлуулсан байна. “Universal Pictures” компани “Жэймс Бонд”-ын албан ёсны твиттертээ нээлтээ 11-р сар болгож хойшлуулна гэж мэдэгджээ.
Твиттер дэх мэдэгдлээс харахад, нээлтийн өдрийг хойшлуулахыг “MGM”, “Universal Pictures”-ийн продюсер Майкл Ж. Вилсон, Барбара Брокколи нар шийдсэн байна. Нээлтийн өдрийг хойшлуулах болсон шалтгааныг “Дэлхийн кино зах зээлийг нухацтай судалж байна” гэж мэдэгдсэн нь коронавирус(COVID-19)-ийн улмаас гэсэн битүү утгыг агуулж байна.
Дэлхий дахинаа коронавирус(COVID-19) хурдацтай тархаж маш их хохирол учруулж байгаа учир өргөн хүрээний кино гаргах нь цаг үеэ олоогүй гэж үзсэн бололтой.
Тус киноны нээлтийг 3-р сард Англид хийж, өөр бусад улсуудад 4-р сард хийхээр төлөвлөж байсан боловч, Англид 11-р сарын 12-нд, Америкт 11-р сарын 25-нд хийхээр хойшлуулжээ.
Зургийн эх сурвалж: Universal pictures
