Том Хэнксийн коронавирусийн халдвар авч тусгаарлагдаад байгаа нөхцөл байдал...
2020-03-20 16:39:45
Шинэ төрлийн коронавирус(СoVid 19)-ийн халдвар авч тусгаарлагдаад байгаа Холливудын жүжигчин Том Хэнкс шүтэн бишрэгч нартаа сүүлийн үеийн нөхцөл байдлаа харуулжээ.
Тэрээр 15-ны өдөр өөрийн твиттер хуудаснаа “Тусалж байгаа бүх хүмүүст үнэхээр баярлалаа. Бүгдээрээ өөрийгөө болон өрөөлийг халамжилцгаая.” гэж бичсэн байна.
Тийнхүү бичихийн зэрэгцээ Австралийн далбаа барьсан чихмэл имж, Б-витамины савнаас зүүгдсэн чихмэл коала, мөн шоколадны крем түрхсэн талх, аягатай усны зураг оруулжээ. Уг зургаас түүний өдөр тутмын амьдралын багахан хэсгийг харж болох нь ээ.
Тэрээр 13-ны өдөр өөрийн твиттер хуудаснаа “Эхнэр бид хоёрыг энд халамжилж байгаа бүх хүмүүст үнэхээр их баярлалаа. Коронавирусийн халдвар авсан бид бусдад халдаахгүйн тулд тусгаарлагдаж байна” хэмээн твиттертээ жиргэсэн байна.
Тэрээр Австралид Баз Лурман найруулагчийн найруулж байгаа Элвис Преслигийн тухай кино зураг авалтад оролцож байгаа боловч, коронавирусийн халдвар авч Квийнслэнд мужийн Голд Кост их сургуулийн эмнэлэгт тусгаарлагдан эмчлүүлж байгаа билээ.
Зургийн эх сурвалж: Том Хэнксийн твиттер
