“Wonder Woman 1984” киноны нээлт 6→ 8-р сар болж хойшлогджээ

2020-03-26 16:58:31

DCEU коронавирусийн дэгдэлтийн улмаас “Wonder Woman 1984” киноны нээлтийн өдрийг хойшлуулжээ. 

Өнгөрсөн 24-ний өдөр Variety сайтад “Wonder Woman 1984 кино 6-р сарын 5-ны өдөр нээлтээ хийхээр төлөвлөж байсныг 8-р сарын 14-ний өдөр болгон хойшлуулжээ" гэж нийтэлсэн байна. Харин Кристофер Нолан найруулагчийн шинэ бүтээл “Tenet” төлөвлөж байсан 7-р сарын 17-ны өдөр нээлтээ хийх аж.  

Warner Bros албан ёсны мэдэгдлээр “8-р сар гэхэд дэлхий дахинаа илүү аюулгүй болж, эрүүл энх байх болтугай” хэмээн өөрийн байр суурийг илэрхийлжээ.

Хүйтэн дайны үеийн талаар өгүүлэх тус кинонд Диана(Галь Гадот) шинэ дайснуудтай нүүр тулах аж. 2019 оны 11-р сард олны хүртээл болгохоор төлөвлөж байсан боловч киноны төгсгөл хэсгийн ажлын улмаас киноны нээлтийг хойшлуулсан байна.    

Өнгөрөгч 21-ний өдөр гэхэд л Indie Wire сайт “Wonder Woman 1984” кино төлөвлөсний дагуу 6-р сарын 5-ны өдөр нээлтээ хийнэ хэмээн нийтэлж байсан.

Коронавирусийн дэгдэлтийн улмаас кинотеатруудад гаргалгүйгээр шууд streaming үйлчилгээгээр олны хүртээл болгоно гэсэн дам яриа гарахад маш итгэлтэйгээр төлөвлөсөн хугацаандаа киноны нээлтийг хийнэ гэж өөрийн байр суурийг илэрхийлж байсан.  

Тус киноны найруулагч Пэтти Женкинс мөн адил байр суурьтай байв. Тэрээр дам яриаг шууд үгүйсгэж, кинотеатруудад нээлтээ хийнэ гэж мэдэгджээ. 

Гэвч коронавирусийн халдвар тархсаар дэлхийн кино ертөнцөд нөлөөлөхөд дахин судалж үзсэний эцэст нээлтийн өдрийг хойшлуулсан бололтой. 

Америкт коронавирусийн халдвар дэгдмэгц ихэнх кинотеатрууд үйл ажиллагаагаа зогсоосон. Мөн “007: Үхэх ч завгүй”, “Black Widow”, “Мулан” зэрэг эхний хагаст хүлээлт үүсгээд байсан кинонууд нээлтийн өдрөө хойшлуулжээ. Universal Pictures “Троллууд 2” киног кинотеатруудад, мөн VOD(Video on demand)-оор олны хүртээл болгохоор шийдсэн байна.

Америкийн “The Hollywood Reporter” сайтад мэдээлснээр коронавирусийн нөхцөл байдал дэлхийн киноны зах зээлд ойролцоогоор 5 тэрбум долларын хохирол учруулах болно гэж барагцаалан тооцжээ. 

Зургийн эх сурвалж: Warner Pictures