Райан Рейнольдс “Free Guy” киногоор дахин дэлгэцнээ

2020-04-03 18:53:00

“ДЭДПҮЛ” киногоор үзэгчдэд дотно болсон Райан Рейнольдс өвөрмөц инээд, гоёмсог тулалдаантай шинэ бүтээл “Free Guy” киногоор эргэн ирнэ. Тус кинонд энгийн банкны ажилтнаар амьдарч байсан Гая(Райан Рейнольдс) нэгэн өдөр өөрийгөө тоглоомын гол баатар болохыг ойлгосноор үйл явдал өрнөдөг. Олон нийтэд цацагдаад байгаа трэйлерт банкны ажилтан Гая дээрэмчинтэй зодолдож байхдаа тусгай нүдний шилтэй болж, өөрийнх нь амьдарч байгаа дэлхий тоглоом бөгөөд тэрээр тоглоомон дахь гол баатар хийгээд тайлбарлагч болохоо мэдэх болдог. Ийнхүү тоглоом бүтээгчид түүний дэлхийг устгах гэж оролдоход тэрээр баатар болж гарч ирдэг. Кинонд хотод залуурт пуужин нисэж, зам дээр гал авалцах зэрэг тоглоомон дахь онцлог шинжийг амилуулсан гоёмсог тулалдаан, инээд бэлэглэх нь хүлээлт үүсгээд байна.    

“Free Guy” киног “Музейд өнгөрүүлсэн шөнө” цуврал, Netflix-ийн “Stranger Things” зэрэг киногоор алдартай болсон найруулагч Шон Леви найруулжээ. Мөн “Тор: Рагнарок”, “Jojo Rabbit” киног найруулсан Тайка Вайтити “Free Guy” кинонд тоглож, Райан Рейнольдстой хамтрах ажээ. 

"Free Guy" кино нь 7-р сарын 3-ны өдөр нээлтээ хийнэ.